२ रुपैया टिमले बनाउने भयो ‘डामाडोल’
चलचित्र दुइ रुपैयाको कुटुमा कुटु बोलको गीत ले नेपाली यूटुव बजारमा ५ करोड भन्दा बढि दर्शक पाएर एउटा रेकर्ड बनाएको छ । त्यहि फिल्म २ रुपैयाको टिमले नयाँ चलचित्र ‘डामाडोल’को घोषणा गरेको छ । केहि साता अघि चलचित्र ‘२ रुपैयाँ’ टीमले चलचित्रको सिक्वेल बनाउने कुराले मिडियामा राम्रै चर्चा पायो तर निर्माण टीमले अब ‘२ रुपैयाँ’को सिक्वेल चलचित्र नभई ‘डामाडोल’ बनाउने भएको छ ।
आशिफ शाह र निश्चल बस्नेतको मुख्य भुमिका रहने चलचित्र ‘डामाडोल’ लाई ‘२ रुपैयाँ’ निर्देशक असिम शाहले नै निर्देशन गर्दैछन् । जी टु वान पिक्चर्स र ब्ल्याक हर्स प्रोडक्सनको ब्यानरमा बन्ने चलचित्र बैशाख १५ गतेबाट छायांकनमा जानेछ ।२०७५ असोज ४ गते प्रदर्शन गरिने चलचित्रको नायिका भने अहिलेसम्म पक्का भईसकेको छैन ।चलचित्रमा २ रुपैयाकै मुख्य कलाकार हुने बुझिएको छ । चलचित्रको बारेमा अफिसियल रुपमा जानकारी नगराएता पनि निर्देशक शाहले सामाजिक संजालमा चलचित्रको नाम भने रिभिल गरिसकेका छन् ।







