दिनभरिको अग्रता अन्तिममा बिक्रि प्रेसर हुदा नेप्से ०.३२ अंक वृद्धिमा सिमित
आइतबार कारोबारमा उत्साह देखिएपनि प्रोफिट बुकिङको प्रेशर थेग्न नसक्दा नेप्से सूचक नकारात्मक रह्यो । इन्ट्रा डे मा ५२ अंकसम्म बढेको नेप्से बजार बन्द हुने समयसम्म ०.३२ अंकले मात्र बढेर बन्द भएको छ ।
आइतबार नेप्से परिसूचक ०.३२ अंक बढेर २८७०.९५ विन्दुमा पुगेको छ । यसदिन नेप्सेमा कारोबारमा आएकामध्ये १०५ कम्पनीको शेयर मूल्य बढ्दा १४४ कम्पनीको घटेको छ । यस दिन ५ वटा उपसमूहको परिसूचक बढेको छ भने ८ वटाको घटेको छ ।
आज कारोबार भएका कम्पनीहरुमा सबैभन्दा बढी उन्नत सहकार्य लघुत्तित वित्तीय संस्था र सान्भी इनर्जीका लगानीकर्ताले १० प्रतिशले कमाएका छन् । त्यस्तै, सबैभन्दा बढी गुमाउनेमा समृद्धि फाइनान्सका लगानीकर्ताले ८.८८ प्रतिश र गुडविल फाइनान्स डिबेन्चरका लगानीकर्ताले ७.७५ प्रतिशतले गुमाएका छन् ।
कारोबार रकममा सबैभन्दा बढी नेपाल पुनर्बीमा कम्पनीको ९८ करोड ५५ लाखको सेयर खरिद बिक्री भएको छ । त्यस्तै बुटवल पावर कम्पनीको ६४ करोड २७ लाख र हिमालयन रि इन्स्योरेन्सको ५६ करोड ६२ लाख रुपैयाँभन्दा बढीको सेयर कारोबार भएको छ ।
