राष्ट्रिय प्रजातन्त्रीक महिला संगठन(संयुक्त) द्वारा १०९औ अन्तराष्ट्रिय नारी दिवसको अवसरमा भब्य कार्यक्रम सम्पन्न
फागुन २४, काठमान्डौ
राष्ट्रिय प्रजातन्त्रीक महिला संगठन(संयुक्त) ले १०९औ अन्तराष्ट्रिय नारी दिवसको अवसर पारेर आज एक नारीदिवस बिशेष कार्यक्रम सम्पन्न गरेको छ । रा.प्र.पा (संयुक्त)को केन्द्रिय कार्यालयमा आयोजित उक्त कार्यक्रम रा.प्र.पा महिला संगठन (संयुक्त) कि सम्योजक अष्टमाया लामाको अध्यक्षता , प्रमुख अतिथी पूर्व मन्त्री तथा रा.प्र.पा.(संयुक्त)का वरिष्ट नेता नवराज सुवेदीको प्रमुख आतिथ्यता,बिशेष अतिथीहरु रा.प्र.पा.(संयुक्त)का वरिष्ट नेता ठाकुर प्रसाद शर्मा,पुर्व साम्सद तथा पार्टिका नेत्री सहेन्द्र वान्तबा ,पुर्वमेयर राजाराम श्रेष्ठ , त्यसैगरी अतिथीहरु पार्टीका नेता पदम तामाङ, कर्ण बहादुर बुढा,रामहरी थापा,मणी तामाङ , रामशरण पाठक , र सुमित्रा शाहको आतिथ्यतामा कार्यक्रम सम्पन्न भएको थियो ।

राष्ट्रिय प्रजातन्त्रीक महिला संगठन(संयुक्त) कि केन्द्रिय सदस्य कृष्ण लक्ष्मी डङ्गोलको स्वागत मन्तब्य सङगै सुरुवात भएको कार्यक्रममा मन्तब्य राख्ने क्रममा अतिथी सुमित्रा शाहीले नेपालमा महिला सम्बन्धी कानुन हरु बनेपनी कार्यन्वनमा चुनौती देखीएको बताउनु भयो त्यसैगरी बिशेष अतिथी ठाकुर प्रसाद शर्माले नारिलेनै नारिलाई अगाडि बढाउनु पर्नेमा जोड दिनु भयो उहाले महिलाले पुरुष सरह शिक्षा पाउनुपर्ने र आफ्नो पार्टिको महिला संगठनलाई गाउँ गाउँ मा पुर्याउन सक्यो भने पार्टी अझ शसक्त हुने कुरामा जोडदिनु भयो।
बोल्ने क्रममै उहाले समानता खोज्ने कि आरक्षण भनेर प्रश्न समेत गर्नुभयो , त्यसैगरी प्रमुख अतिथी पूर्व मन्त्री तथा रा.प्र.पा.(संयुक्त)का वरिष्ट नेता नवराज सुवेदीले महिलालाई तल्लो स्तरसम्म शिक्षित नबनाए महिलाले पाएको अधिकार पनि सदुपयोग गर्न नस्कने बताउनु भयो । कार्यक्रमका सभाध्यक्ष्य अष्टमाया लामाले चुनाबी समयमा मात्र पार्टिका नेताहरुले महिलाहरुलाई प्रयोग गर्ने गरेको ,आज पनी ठाउँ ठाउँमा बालिका हरु तुइन चढेर बिद्यालय जानु परेको गुनासो गर्नु भयो कार्यक्रम बोल्ने क्रममा केही वक्ताहरुले नेपालमा महिला हिंसा महिला माथि दमन अत्याचारका,बलत्कारका घट्नाहरु पनि दिन प्रतीदिन बढ्दै गैरहेकोले अब छिटो भन्दा छिटो यस्ता घट्ना हरुको अन्त्य नभए आफुहरुले आन्दोलन गर्ने भन्दै सरकारलाई चेतावनी समेत दिनु भ्एको थियो । कार्यक्रममा राष्ट्रिय प्रजातन्त्रीक महिला संगठन(संयुक्त) का केन्द्रिय सदस्य इश्वरी ठकुरिले कार्यक्रमको आर्थिक सम्योजन गर्नुका साथै राष्ट्रिय प्रजातन्त्रीक महिला संगठन(संयुक्त) की महासचिब कुमारी तामाङले कार्यक्रम सन्चालन गर्नु भएको थियो ।









