Breaking News Tuesday, 28 Feb, 2017
Prestige Media

घरेलु प्रदर्शनीमा पाँच करोडको कारोबार

काठमाडौँ, १७ फागुन । घरेलु तथा साना उद्योग विकास समितिले आयोजना गरेको २८औँ राष्ट्रिय वस्तु तथा प्रविधि प्रदर्शनी आज सकिएको छ ।

‘मेड इन नेपाल गौरव गरौँ, स्वदेशी वस्तु प्रयोग गरौँ’ नाराका साथ यही फागुन १२ गतेबाट सुरु भएको उक्त प्रदर्शनीमा रु पाँच करोडभन्दा बढीको कारोबार भएको छ । प्रदर्शनीको समापन गर्दै उद्योगमन्त्री नवीन्द्रराज जोशीले मुलुकलाई समृद्धिको बाटोमा लैजानका लागि यस्ता प्रदर्शनीबाट सहयोग पुग्ने बताउनुभयो ।

औद्योगिक उत्पादन वृद्धि गर्नका लागि उपयुक्त नीति आवश्यक भएको मन्त्री जोशीले बताउनुभयो । नेपालमा लघु घरेलु उद्योगको अत्यधिक सम्भावना भएको र यसका लागि लगानीमैत्री वातावरण बनाउन सरकार प्रतिबद्ध रहेको उहाँको भनाइ थियो ।

आगामी १० वर्षमा कोही नेपाली विदेशीन नपरोस् भन्ने उद्देश्यले मन्त्रालयले काम गरिरहेको मन्त्री जोशीले बताउनुभयो । साना तथा घरेलु उद्योगलाई प्रवद्र्धन गर्दै उपयुक्त प्रविधि प्रयोग गरेर उत्पादकत्व वृद्धि गर्नुपर्नेमा उहाँले जोड दिनुभयो ।
समितिका अध्यक्ष दीपेन्द्र आचार्यले आर्थिक क्षेत्रमा कमजोर महिलाको जीवनस्तर उकास्नका लागि प्रदर्शनीबाट सहयोग पुगेको बताउनुभयो । समितिका निमित्त कार्यकारी निर्देशक रमेशचन्द्र उपाध्यायका अनुसार छ दिनसम्म चलेको सो मेलाको करिब तीन लाख व्यक्तिले अवलोकन गरेका थिए ।

विसं २०४२ देखि निरन्तर गरिँदै आएको सो प्रदर्शनीमा ७५ जिल्लाका साना तथा घरेलु उद्योगीले भाग लिँदै आएका छन् । यस पटकको प्रदर्शनीमा ७३ जिल्लाका ३०५ प्रदर्शनी कक्षमा मुलुकभरका उद्योगीले आफ्ना उत्पादन बिक्री तथा प्रदर्शनीमा राखेका थिए ।

उत्कृष्ट उद्यमीलाई पुरस्कार

सो अवसरमा मेलामा उत्कृष्ट प्रदर्शन गरेका ५९ उद्यमीलाई पुरस्कृत गरिएको थियो । सर्वोत्कृष्ट एक जनालाई रु ३० हजार, उत्कृष्ट उद्यमी पुरस्कार १४ जनालाई जनही रु २० हजार, द्वितीय उद्यमी पुरस्कार १४ जनालाई जनही रु १० हजार तथा सान्त्वना पुरस्कार २२ जनालाई जनही रु पाँच हजार प्रदान गरिएको थियो ।

रोल्पाका लक्ष्मी डाँगीले सर्वोकृष्ट पुरस्कार, वस्तु समूहअन्तर्गत मोरङका दमन्ता कटुवाल, पश्मिना उनी समूहबाट मुगुका धममाया सिंह बुढा, कृषि तथा वन्यजन्य वस्तु समूहबाट इलामका सरद सुब्बा, प्राकृतिक रेशाजन्य समूहबाट दाङका निर्मलाकुमारी पुन, बाँस तथा निगालोजन्य समूहबाट धनकुटाका विमला राई, कलात्मक वस्तु समूहबाट धनकुटाकै चन्द्रबहादुर विश्वकर्मा र काष्ठकला समूहबाट दोलखाका चन्द्रबहादुर विक उत्कृष्ट भएका छन् ।

यस्तै उनी गलैँचा समूहबाट ओखलढुङ्गाका उमा गुरुङ, हाते कागज समूहबाट सोलुखुम्बुका वाङ्चु शेर्पा, खाद्य तथा पेयपदार्थ समूहबाट इलामका कमला बाँस्कोटा, छाला वस्तु समूहबाट सल्यानका टोपबहादुर नेपाली, विविध समूहबाट नवलपरासीका इनरकुमारी चौधरी, महिला उद्यमी समूहबाट पाँचथरका प्रतिमा पौडेल र लघु उद्यमी समूहबाट रुकुमका लव परियार उत्कृष्ट भएका छन् । रासस

तपाईंको प्रतिकृया

सम्बन्धित समाचार

एनपीएल सिजन–३ का उत्कृष्ट खेलाडी सम्मानित, रिजनदेखि दीपेन्द्रसम्मले जिते अवार्ड

आर्थिक सहकार्य र हवाई मार्ग विस्तारलाई प्राथमिकता दिँदै प्रधानमन्त्री शाह भारत भ्रमणमा

एनपिएल फाइनल आज, भिड्दैछन् लुम्बिनी र सुदूरपश्चिम

स्थानीय तहको निर्वाचनबारे दलहरूसँग छलफल गर्दै आयोग

एनपिएलमा आज दोस्रो क्वालिफायर, को पुग्ला फाइनलमा?

उपाधि यात्रामा टिक्न काठमाण्डु र चितवनबीच आज निर्णायक भिडन्त

काठमाडौंका सबै ठाउँ चौबीसै घन्टा खुला गर्न प्रशासनले थाल्यो तयारी

एनपीएल पहिलो क्वालिफायर आज : लुम्बिनी र सुदूरपश्चिमबीच फाइनल प्रवेशका लागि भिडन्त

बझाङमा अटो दुर्घटना : शिक्षकले गुमाए श्रीमतीसहित चार परिवारका सदस्य

९९ रनमा कुशलको विकेट लिएपछि के भने काठमाडौंका कप्तान करणले?

कार्तिक शुक्ल षष्ठी : जलाशयमा उभिएर अस्ताउँदो सूर्यलाई सन्ध्या अर्घ्य अर्पण गरिँदै

तिहार पर्व सुरु, आज धनतेरस

Most Read

‘मनिराम बा’ अब म्युजिक भिडियो निर्देशक (भिडियो सहित )

मोड्लिङमा भबिस्य खोज्दै सारा तामाङ

अब हाम्रो हैसियत अनुसार मन्त्रालय चाहिन्छ : प्रचण्ड

बिराज भट्टको कमव्याक जय पर्शुराम भोलि बाट नै चल्ने।

बारबाट थाहा पाउनु होस् तपाईको प्रेम सम्बन्ध को सँग राम्रो को सँग नराम्रो………….

बिष्णु माझी र रोशन गैरेको आवाजमा निकै मार्मिक लोक दोहोरी गीत सार्वजनिक (भिडियो सहित )

क्षेत्र बहादुर श्रेष्ठ अनिललाई राष्ट्रिय सभामा लैजाने प्रचण्डको प्रतिबद्धता

प्रचन्डको बुद्दी सात आठ बर्से बालिकाको जस्तै : ज्योतिसी पन्डित पुरुसोतम पौडेल (सुन्नुहोश )

स्थापना दिवस मनाउँदै नेपाल प्रहरी

हालसम्म आयोगले सोध्यो १५ स्पष्टीकरण

Tips Nepal Tv
  • rg
  • ap
  • prestige media

 

PMC TV NEPAL