Breaking News Friday, 24 Feb, 2017
Prestige Media

हुलाक कार्यालय मर्मत नहुँदा जीर्ण अवस्थामा

बैतडी, १३ फागुन । जिल्लाको तल्लो स्वराड मेलौलीस्थित इलाका हुलाक कार्यालय मर्मतसम्भार तथा पुनःनिर्माणको अभावमा जीर्ण भएको छ ।

पच्चीस वर्ष पुरानो तीन कोठे उक्त कार्यालयको वर्षौसम्म मर्मतसम्भार तथा पुनःनिर्माण हुन नसक्दा जीर्ण भएर सेवा प्रवाहमासमेत समस्या भएको छ ।

विसं २०४८ मा निर्माण गरेको उक्त भवन मर्मत सम्भार हुन नसक्दा जीर्ण बन्दै गएको इलाका हुलाक कार्यालय केशरपुर मेलौलीका निमित्त कार्यालय प्रमुख रामसिंह विष्टले जानकारी दिनुभयो ।

पानी पर्दा चुहिन्छ, भवनको भित्तासमेत चर्किसकेको छ, उहाँले भन्नुभयो “पानी प¥यो भने छानामा तिर्पाल हालेर बस्नुपर्ने बाध्यता छ ”

टिनले छाएको छानामा खिया लागेर प्वाल परेकाले पानी चुहिएर यहाँ रहेका कागजपत्र तथा चिठ्ठीपत्रसमेत भिज्ने गरेकोपनि उहाँले बताउनुभयो ।

आर्थिक अभावका कारण भवनको मर्मत सम्भार गर्न सकिएको छैन्् । मर्मतका लागि आर्थिक सहयोग गरिदिन मेलौली गाविससँग अनुरोध गरेको निमित्त कार्यालय प्रमुख विष्टले बताउनुभयो ।

तल्लो स्वराडका १३ गाविस हेर्ने गरी हाल मेलौली र सर्मालीमा इलाका हुलाक कार्यालय रहेका छन् । मोबाइल फोनको प्रयोग बढेसँगै हुलाक सेवाको प्रयोगमा पनि कमि आएको छ ।

कुनै समय गोश्वारा हुलाक कार्यालयका कर्मचारीलाई घरघरमा चिठी पु¥याउन भ्याइनभ्याइ हुन्थ्यो । आजभोलि हुलाकमा व्यक्तिगत चिठी एकदमै कम आउँछन् । स्कुल, व्यापारिक क्षेत्र, वित्तीय संस्थाका चिठीमात्र हुलाकमा भेटिन्छन् । सञ्चारको अभिन्न अङ्ग बनेको हुलाकको व्यापकतालाई भने प्रविधिका नयाँ÷नयाँ आविष्कारले खुम्च्याइएका छन् ।

हुलाकलाई व्यवस्थित र प्रतिस्पर्धी बनाउने घोषणा सरकारले गरेको भएपनि अदालतले पठाएको चिठीसमेत म्याद गुज्रिसकेपछि मात्रै पाउने गरेको सेवाग्राहीको गुनासो छ । यस्तै ढिलासुस्तीका कारण सेवाग्राही निजी क्षेत्रबाट सञ्चालित सेवातिर तानिन थालेका छन् ।

व्यक्तिगत चिठ्ठीपत्रमा निकै न्यून रहेको र सरकारी चिठ्ठीपत्र मात्रै आउने गरेका छन इलाका हुलाक कार्यालय मेलौलीका निमित्त कार्यालय प्रमुख विष्टले भन्नुभयो – “व्यक्तिगत चिठ्ठीमा जीवन बिमाको मात्रै आउँछन्, सरकारी चिठ्ठीपत्रलाई मात्र हुलाक सेवा प्रयोग गर्ने गरिएको छ । ”
एकजना मात्र कर्मचारीको भरमा

इलाका हुलाक कार्यालय केशरपुर, मेलौलीमा हाल एकजना मात्र कर्मचारी रहेका छन् । खरिदार र हल्कारा गरी दुई जनाको दरबन्दी रहेको भए पनि हाल एकजना हल्कारा मात्रै रहेका छन् ।

कार्यालय प्रमुख धर्मराज उपाध्याय तीन महिना पहिला सरुवा भई गएपछि इलाका हुलाक कार्यालय प्रमुखविहीन भएको हो ।

बझाङ घर भएका उपाध्याय गाविस सचिव भएर गृह जिल्ला गएका हुन । रासस

तपाईंको प्रतिकृया

सम्बन्धित समाचार

एनपीएल सिजन–३ का उत्कृष्ट खेलाडी सम्मानित, रिजनदेखि दीपेन्द्रसम्मले जिते अवार्ड

आर्थिक सहकार्य र हवाई मार्ग विस्तारलाई प्राथमिकता दिँदै प्रधानमन्त्री शाह भारत भ्रमणमा

एनपिएल फाइनल आज, भिड्दैछन् लुम्बिनी र सुदूरपश्चिम

स्थानीय तहको निर्वाचनबारे दलहरूसँग छलफल गर्दै आयोग

एनपिएलमा आज दोस्रो क्वालिफायर, को पुग्ला फाइनलमा?

उपाधि यात्रामा टिक्न काठमाण्डु र चितवनबीच आज निर्णायक भिडन्त

काठमाडौंका सबै ठाउँ चौबीसै घन्टा खुला गर्न प्रशासनले थाल्यो तयारी

एनपीएल पहिलो क्वालिफायर आज : लुम्बिनी र सुदूरपश्चिमबीच फाइनल प्रवेशका लागि भिडन्त

बझाङमा अटो दुर्घटना : शिक्षकले गुमाए श्रीमतीसहित चार परिवारका सदस्य

९९ रनमा कुशलको विकेट लिएपछि के भने काठमाडौंका कप्तान करणले?

कार्तिक शुक्ल षष्ठी : जलाशयमा उभिएर अस्ताउँदो सूर्यलाई सन्ध्या अर्घ्य अर्पण गरिँदै

तिहार पर्व सुरु, आज धनतेरस

Most Read

‘मनिराम बा’ अब म्युजिक भिडियो निर्देशक (भिडियो सहित )

मोड्लिङमा भबिस्य खोज्दै सारा तामाङ

अब हाम्रो हैसियत अनुसार मन्त्रालय चाहिन्छ : प्रचण्ड

बिराज भट्टको कमव्याक जय पर्शुराम भोलि बाट नै चल्ने।

बारबाट थाहा पाउनु होस् तपाईको प्रेम सम्बन्ध को सँग राम्रो को सँग नराम्रो………….

बिष्णु माझी र रोशन गैरेको आवाजमा निकै मार्मिक लोक दोहोरी गीत सार्वजनिक (भिडियो सहित )

क्षेत्र बहादुर श्रेष्ठ अनिललाई राष्ट्रिय सभामा लैजाने प्रचण्डको प्रतिबद्धता

प्रचन्डको बुद्दी सात आठ बर्से बालिकाको जस्तै : ज्योतिसी पन्डित पुरुसोतम पौडेल (सुन्नुहोश )

स्थापना दिवस मनाउँदै नेपाल प्रहरी

हालसम्म आयोगले सोध्यो १५ स्पष्टीकरण

Tips Nepal Tv
  • rg
  • ap
  • prestige media

 

PMC TV NEPAL