Exclusive News
Thursday, 21 Dec, 2023
फागुन पहिलो साता माओवादीको विधान सम्मेलन
काठमाडौं–सत्तारुढ नेकपा माओवादी केन्द्रको विधान सम्मेलन फागुन पहिलो साता हुने भएको छ ।
आज बिहान बसेको माओवादी पदाधिकारी बैठकले फागुन पहिलो साता विधान सम्मेलन गर्ने निर्णय पारित गरेको हो ।
पार्टी उपाध्यक्ष एवं प्रवक्ता अग्नि सापकोटाले बैठकले विधान मस्यौदा समिति गठन गरिएको बताए ।
समितिमा उपाध्यक्ष पम्फा भुसाल, महासचिव देव गुरुङ, उपमहासचिवत्रय गिरिराजमणि पोखरेल, वर्षमान पुन र जनार्दन शर्मा तथा सचिवद्वय गणेश साह र राम कार्की छन् ।
विधान सम्मेलनअघि बस्ने केन्द्रीय कमिटी बैठकले विधान मस्यौदा समितिले तयार पारेको मस्यौदा अनुमोदन गरेपछि सम्मेलनमा प्रस्तुत गरिनेछ ।
माओवादी विशेष रुपान्तरण अभियान सफल भएको बैठकको निष्कर्ष छ ।
माओवादीले पुस १६ मा रुपान्तरण अभियान समापन गर्ने बैठकमा जानकारी दिइएको थियो ।
