प्रमुख समाचार
Tuesday, 19 Dec, 2023
राष्ट्रिय सभा निर्वाचनः १२ राजनीतिक दललाई बाँडियो चुनाव चिन्ह
काठमाडौं– आगामी ११ माघमा हुने तय भएको राष्ट्रिय सभा निर्वाचनलाई लक्षित गरी निर्वाचन आयोगले १२ राजनीतिक दललाई चुनाव चिन्ह उपलब्ध गराएको छ।
आयोगका अनुसार प्रतिनिधिसभा सदस्य निर्वाचनमा समानुपातिक निर्वाचन प्रणालीतर्फ प्राप्त गरेको मतको आधारमा क्रम निर्धारण गरी चुनाव चिन्ह दिइएको हो ।
आयोग बैठकले १२ राजनीतिक दलहरूलाई चिन्ह दिएको ्रवक्ता एवं सहसचिव शालिग्राम शर्मा पौडेलले बताए ।
कांग्रेस, एमाले, नेकपा (माओवादी केन्द्र), राष्ट्रिय प्रजातन्त्र पार्टी, जनता समाजवादी पार्टी नेपाल, जनमत पार्टी, नेकपा (एकीकृत समाजवादी), नागरिक उन्मुक्ति पार्टी, लोकतान्त्रिक समाजवादी पार्टी नेपाल, नेपाल मजदुर किसान पार्टी, राष्ट्रिय जनमोर्चा र नेपाल समाजवादी पार्टीले चुनाव चिन्ह प्राप्त गरेका छ ।
