Breaking News Thursday, 5 Jan, 2017
Prestige Media

जनताको आवास कार्यक्रमका लागि झापामा स्थान छनोट

बनियानी ९झापा०, २१ पुस । जनता आवास कार्यक्रम जिल्ला समन्वय समितिले आवास कार्यक्रमका लागि गाविस र नगरपालिका छनोट गरेको छ ।

हरेक निर्वाचन क्षेत्रबाट एक÷एक गाविस र नगरपालिका छनोट गरिएकाले कार्यक्रम सञ्चालन हुनुअगावै लक्षित समुदाय बसोबास गरेको स्थान छनोट गरी विभागमा पठाउनु पर्ने सहरी विकास तथा भवन निर्माण विभागका खरिदार कमलनिधि चापागाईंले जानकारी दिनुभयो ।

सो कार्यक्रमका लागि क्षेत्र नम्बर १ बाट मेचीनगर नगरपालिका र बाहुनडाँगी गाविस, क्षेत्र नम्बर २ बाट बिर्तामोड नगरपालिका र गरामनी गाविस, क्षेत्र नम्बर ३ बाट भद्रपुर नगरपालिका र केचना गाविस, क्षेत्र नम्बर ४ बाट शनिअर्जुन नगरपालिका र बुधबारे गाविस, क्षेत्र नम्बर ५ बाट शिवसताक्षी नगरपालिका र चकचकी गाविस, क्षेत्र नम्बर ६ बाट गौरादह नगरपालिका र खजुरगाछी गाविस तथा क्षेत्र नम्बर ७ बाट दमक नगरपालिका र तोपगाछी नगरपालिका छनोटमा परेका छन् ।

छनोट भएको स्थानमा चालु आव २०७३÷७४ भित्र ५०० घर बनाउने लक्ष्य राखिएको छ । घर निर्माण गर्ने व्यक्तिले १० प्रतिशत र बाँकी रकम सरकारले बेहोर्ने प्रावधान छ । सोही रकमबाट दुई प्रतिशत रकम सम्बन्धित कार्यालयले कट्टा गरी प्रशासनिक खर्च गर्न पाउनेछन् । उक्त दुई प्रतिशत रकमबाट सुपरिपेक्षण, आवश्यक कागजात र प्राविधिक खर्च गर्नुपर्ने छ ।

सरकारले सो कार्यक्रमका लागि प्रतिघर निर्माणमा रु दुई लाख २६ हजार उपलब्ध गराउनेछ । साथै, घरको नमूनासमेत सहरी विभाग तथा भवन निर्माण विभागले गर्नेछ । त्यसरी निर्माण गरिने घर दुई कोठा, एउटा भान्सा र बरन्डासहितको हुनुपर्ने सरकारी नियम छ ।

भूकम्प प्रतिरोधीका त्यस्ता भवन स्थानीय निर्माण सामग्री प्रयोग गरी बनाउनुपर्ने र त्यसका लागि स्थानीय स्तरमा सात सदस्यीय निर्माण समिति बनाउनुपर्ने प्रावधान छ ।
सरकारले घर निर्माण गर्न आर्थिक अवस्था कमजोर भएका दलित तथा पिछडिएको समुदायका परिवारलाई सुरक्षित आवास उपलब्ध गराउने उद्देश्यले त्यस्तो कार्यक्रम गत वर्षबाटै देशभर सुरु गरेको थियो ।
झापामा कार्यक्रम लक्ष्यअनुरुप सञ्चालन भए यस वर्ष ५०० घर निर्माण हुनेछन् । लक्षित समुदाय मिलेको बस्ती भए एउटा क्लस्टरमा १० वटासम्म घर बनाउन सकिन्छ । त्यहीअनुरुप सम्बन्धित समिति र सरकारी कर्मचारी कार्यक्रममा केन्द्रित हुनुपर्ने छ । रासस

तपाईंको प्रतिकृया

सम्बन्धित समाचार

आर्थिक सहकार्य र हवाई मार्ग विस्तारलाई प्राथमिकता दिँदै प्रधानमन्त्री शाह भारत भ्रमणमा

एनपिएल फाइनल आज, भिड्दैछन् लुम्बिनी र सुदूरपश्चिम

स्थानीय तहको निर्वाचनबारे दलहरूसँग छलफल गर्दै आयोग

एनपिएलमा आज दोस्रो क्वालिफायर, को पुग्ला फाइनलमा?

उपाधि यात्रामा टिक्न काठमाण्डु र चितवनबीच आज निर्णायक भिडन्त

काठमाडौंका सबै ठाउँ चौबीसै घन्टा खुला गर्न प्रशासनले थाल्यो तयारी

एनपीएल पहिलो क्वालिफायर आज : लुम्बिनी र सुदूरपश्चिमबीच फाइनल प्रवेशका लागि भिडन्त

बझाङमा अटो दुर्घटना : शिक्षकले गुमाए श्रीमतीसहित चार परिवारका सदस्य

९९ रनमा कुशलको विकेट लिएपछि के भने काठमाडौंका कप्तान करणले?

कार्तिक शुक्ल षष्ठी : जलाशयमा उभिएर अस्ताउँदो सूर्यलाई सन्ध्या अर्घ्य अर्पण गरिँदै

तिहार पर्व सुरु, आज धनतेरस

विवादपछि गृहमन्त्रीले भने- चलचित्र ‘पाँच पाण्डव’को प्रदर्शन रोक्नू

Most Read

‘मनिराम बा’ अब म्युजिक भिडियो निर्देशक (भिडियो सहित )

मोड्लिङमा भबिस्य खोज्दै सारा तामाङ

अब हाम्रो हैसियत अनुसार मन्त्रालय चाहिन्छ : प्रचण्ड

बिराज भट्टको कमव्याक जय पर्शुराम भोलि बाट नै चल्ने।

बारबाट थाहा पाउनु होस् तपाईको प्रेम सम्बन्ध को सँग राम्रो को सँग नराम्रो………….

बिष्णु माझी र रोशन गैरेको आवाजमा निकै मार्मिक लोक दोहोरी गीत सार्वजनिक (भिडियो सहित )

क्षेत्र बहादुर श्रेष्ठ अनिललाई राष्ट्रिय सभामा लैजाने प्रचण्डको प्रतिबद्धता

प्रचन्डको बुद्दी सात आठ बर्से बालिकाको जस्तै : ज्योतिसी पन्डित पुरुसोतम पौडेल (सुन्नुहोश )

स्थापना दिवस मनाउँदै नेपाल प्रहरी

हालसम्म आयोगले सोध्यो १५ स्पष्टीकरण

Tips Nepal Tv
  • rg
  • ap
  • prestige media

 

PMC TV NEPAL