प्रमुख समाचार
Wednesday, 13 Sep, 2023
लुम्बिनी प्रदेशसभाको अधिवेशन अन्त्य
काठमाडौं– लुम्बिनी प्रदेशसभाको चालु अधिवेशन अन्त्य भएको छ ।
प्रदेश सरकारको मंगलबार बसेको मन्त्रिपरिषद्को बैठकले गए राती १२ः०० बजेदेखि लागू हुने गरी प्रदेशसभाको चालू अधिवेशन अन्त्य गर्न सिफारिस गरेसँगै प्रदेश प्रमुख अमिक शेरचनले अधिवेशन अन्त्य गर्नुभएको हो ।
नेपालको संविधानको धारा १८३ को उपधारा २ बमोजिम प्रदेश प्रमुखले सरकारको सिफारिसमा चालु अधिवेशन अन्त्य गरेकाले प्रदेशसभा नियमावली, २०७९ को नियम ३ को उपनियम ३ बमोजिम प्रदेशसभा सदस्यको जानकारीका लागि प्रदेशसभा सचिव दुर्लभकुमार पुनबाट जारी सूचनामा उल्लेख छ।
