Breaking News
Thursday, 24 Aug, 2023
आजदेखि प्रतिनिधिसभा बैठक निरन्तर
काठमाडौं– एमाले अवरोधले करिब महिना दिनसम्म सूचना टाँसेर स्थगन गरिँदै आएको प्रतिनिधिसभा बैठक बुधबारदेखि सञ्चालन हुन थालेको छ।
दलहरुबीच सुनकाण्ड छानबिन गर्न उच्चस्तरीय सहमति जुटेपछि बुधबार अवरोधरहित बसेको संसद् बैठक आज दिउँसो १ बजे पुनः बस्ने संसद् सचिवालयले जनाएको हो।बुधबारको बैठकमा संसद्मा बोलेका सत्तापक्ष र विपक्षी दलका नेताले ललिता निवास, नक्कली शरणार्थी प्रकरण, सुन तस्करी प्रकरणलगायत विषयमा सरकारको ध्यानाकर्षण गराएका थिए।
आजको बैठकमा प्रधानमन्त्री पुष्पकमल दाहाल प्रचण्डले निर्वाचन आयोगको १५औं वार्षिक प्रतिवेदन २०७८÷०७९ पेस गर्ने कार्यसूची रहेको संसद् सचिवालयले बताएको छ।
