Breaking News
Monday, 9 Jan, 2023
हिक्मत कार्की प्रदेश १ को मुख्यमन्त्रीमा नियुक्त
नेकपा एमालेका नेता हिक्मतकुमार कार्की प्रदेश १ को मुख्यमन्त्रीमा नियुक्त भएका छन्। प्रदेशको चौथो मुख्यमन्त्रीमा नियुक्त कार्की झापा ५ को प्रदेश निर्वाचन क्षेत्र नम्बर १ बाट निर्वाचित प्रदेशसभा सदस्य हुन्।

प्रदेश प्रमुख पर्शुराम खापुङले कार्कीलाई आइतबार साँझ मुख्यमन्त्री नियुक्त गरेका हुन्।प्रदेशसभामा रहेका नेकपा एमालेका ४०, नेकपा माओवादी केन्द्रको १३, राप्रपाको ६ र जसपाको १ जना सांसद गरी ६० सांसदको समर्थनमा उनी मुख्यमन्त्री बनेका हुन्।
प्रदेशसभामा कुनै पनि दलको बहुमत नपुगेपछि २ वा २ भन्दा बढी दलको समर्थनमा सरकार बनाउन प्रदेश प्रमुख पर्शुराम खापुङले आज ५ बजेसम्मको समय दिएका थिए। सो समय अगावै दलहरुले कार्कीलाई मुख्यमन्त्रीमा नियुक्त गर्न दावी पेश गरेका थिए।







