नागरिकता विधेयकमाथिको सुनुवाइ हेर्न नभ्याइनेमा
नागरिकता विधेयकमाथि सुनुवाइ आगामी आइतरबालाई सरेको हो।
काठमाडौं– नागरिकता विधेयकलाई राष्ट्रपति विद्यादेवी भण्डारीले प्रमाणीकरण नगरेको भन्दै सर्वोच्च अदालतमा दायर भएका पाँच वटा रिटमा सुनुवाइ आइतबार हुने भएको छ ।
नागरिकता विधेयक प्रमाणीकरण गर्न परमादेश माग गरिएको विधेयक शुक्रबार न्यायाधीश मनोजकुमार शर्माको इजलासमा परेको थियो । तर सुनुवाइ आगामी आइतबारलाई सरेको सर्वोच्चका प्रवक्ता विमल पौडेलले जानकारी बताए ।विधेयकलाई प्रमाणीकरण गर्ने समय सीमाभित्र नेपालको संविधानको धारा ११३ को उपधारा ४ अनुसार प्रमाणीकरण नगरी नेपालको संविधानको धारा ११३ (४) को उल्लंघन गरेको रिटमा उल्लेख छ ।
अधिवक्ता सुनीलरञ्जन सिंह, सागर बराल लगायतका पाँच जनाले छुट्टाछुट्टै रिट दायर गरेका थिए ।
रिटमा राष्ट्रपति भण्डारीलाई नागरिकता विधेयक प्रमाणीकरण गर्ने परामदेश माग गरिएको सर्वोच्च अदालतका प्रवक्ता विमल पौडेलले बताए ।
राष्ट्रपति भण्डारीले संघीय संसद्का दुवै सदनबाट पारित भएर दोस्रो पटक शीतलनिवास पुगेको नागरिकता ऐनलाई संशोधन गर्न बनेको विधेयक प्रमाणीकरण गर्न अस्वीकार गरेकी थिइन् ।







