प्रमुख समाचार
Monday, 22 Aug, 2022
आउँदो निर्वाचन प्रचारमा भारतीय गाडी निषेध
काठमाडौं– निर्वाचन आयोगले आउँदो ४ मंसिरमा तोकिएको संघीय र प्रदेशसभा निर्वाचनको प्रचारमा भारतीय गाडीलाई निषेध गर्ने भएको छ ।
आयोगले मौन अवधिको १५ दिनअघिसम्म मात्र निर्वाचन प्रचार–प्रसार गर्न दिने आचारसंहिता प्रस्ताव गरेको छ ।
४ मंसिरमा हुने प्रतिनिधिसभा र प्रदेशसभा निर्वाचनका लागि आचारसंहिताबारे सोमबार राजनीतिक दलहरूसँग गरेको छलफलमा आयोगले यस्तो प्रस्ताव गरेको हो ।आयोगले एक पटकमा २५ जनासम्मले मात्र ¥याली गर्न पाउने प्रस्ताव गरेको छ । एक पटकमा १० वटा मात्र राष्ट्रिय झन्डा प्रयोग गर्न पाउने प्रस्तावसमेत आयोगले दलसँग गरेको छ ।
यस्तै, विदेशी नम्बर प्लेटका गाडी प्रयोगमा निषेध गर्ने आचारसंहिता बनाइएको छ । भारतीय सीमा जोडिएका स्थानमा विगतमा भारतीय नम्बर प्लेटका गाडी प्रयोग भएसँगै त्यसलाई नियन्त्रण गर्न आयोगले यस्तो प्रयास गरेको हो ।







