नारायणकाजीको नेतृत्वमा माओवादीको घोषणापत्र तयार हुने
काठमाडौं– नेकपा माओवादी केन्द्रको आउँदो ४ मंसिरमा हुने प्रतिनिधिसभा तथा प्रदेशसभा निर्वाचनका लागि चुनावी घोषणापत्र बनाउन नेता नारायणकाजी श्रेष्ठ नेतृत्वको टोलीले जिम्मा पाएको छ ।
पेरिसडाँडामा बसेको स्थायी कमिटीको बैठकले वरिष्ठ उपाध्यक्ष नारायणकाजी श्रेष्ठको नेतृत्वमा चुनावी घोषणापत्र मस्यौदा तयार पार्ने टिम गठन गरेको हो ।
पार्टी प्रवक्ता तथा उपाध्यक्ष कृष्णबहादुर महराले श्रेष्ठको नेतृत्वमा १७ जनाको टिम तयार भएको बताए ।‘घोषणापत्र तयार पार्न एउटा टिम बनाएका छौं । गठबन्धनका तर्फबाट पनि कोसिस भइरहेको छ । हाम्रो एउटा मस्यौदा तयार होस् भनेर १७ जनाको टिम बनाएका छौं,’ उनले भने ।
टिममा देव गुरुङ, गिरिराजमणि पोखरेल, वर्षमान पुन, जनार्दन शर्मा, शक्ति बस्नेत, लीलामणि पोखरेल, गणेश साह, पर्शुराम रम्तेल, अमृता थापा, हरि रोकाय, जाकिर हुसैन, पर्शुराम तामाङ, कृष्ण चौधरी, भीमा ढुंगाना र जगत सिंखडा छन् ।







