Breaking News Thursday, 28 Jan, 2021
Prestige Media

सेयर बजारमा गुल्जार : कारोबार रकम र कित्ताले रच्यो ऐतिहासिक रेकर्ड

साताको अन्तिम कारोबार दिन शेयर कारोबार रकमले ऐतिहासिक रेकर्ड कायम गरेको छ । यसअघि दुई पटकको कारोबार रकमको उच्च रेकर्डलाई बिहीबार पुनः ब्रेक गरेको हो ।

बिहीबार रु. ९ अर्ब ८९ करोड ८४ लाख ५६ हजार बराबरको २ करोड २१ लाख ५३ हजार कित्ता शेयर कारोबार भएको हो । यसअघि गत मंसिर १४ गतेको रु. ९ अर्ब २२ करोड ७३ लाख ४८ हजार बराबरको शेयर कारोबार रेकर्ड माघ ११ गते रु. ९ अर्ब ३७ करोड ६० लाख ५३ हजार बराबरको शेयर कारोबारले ब्रेक गरेको थियो ।

बिहीवार भएको शेयर कारोबार कित्ता पनि हालसम्मकै उच्च रहेको छ । यसअघिको कारोबारमा २ करोडभन्दा कम कित्ता मात्र शेयर कारोबार भएको थियो । कारोबार रकममा सर्वाधिक हिस्सा भने नेपाल लाइफ इन्स्योरेन्सले नै ओगटेको छ ।

नेपाल लाइफको रु. ५७ करोड ६८ लाख ९१ हजार बराबरको शेयर कारोबार भएको हो । यो दिन कम्पनीको शेयर मूल्य प्रतिकित्ता रु. ६२ ले घटेर अन्तिम मूल्य रु. २ हजार ३४९ कायम भएको छ ।

बुधबार सर्किट लेभलमा बढेको कम्पनीको मूल्य बिहीबार २ दशमलव ५७ प्रतिशत घटेको हो ।
कारोबार रकमले ऐतिहासिक रेकर्ड कायम गरेको दिन नेप्से परिसूचक भने १६ दशमलव ५५ अंक घटेर २ हजार ४२५ दशमलव २९ बिन्दुमा झरेको छ । सेन्सेटिभ इन्डेक्स पनि ४ दशमलव ३२ अंक घटेर ४४२ दशमलव शून्य ६ विन्दुमा बन्द भएको छ ।

बिहीबार निर्जीवन बीमा समूहको परिसूचक सर्वाधिक ३ दशमलव ३८ प्रतिशतले बढेको छ । यो दिन उत्पादन तथा प्रशोधनको २ दशमलव ८२ प्रतिशत र लघुवित्तको २ दशमलव १४ प्रतिशतले परिसूचक बढेको छ भने बाँकी समूहको घटेको छ ।

बैंकिङ समूहको सर्वाधिक २ दशमलव ३४ प्रतिशत परिसूचक घटेको हो भने व्यापारिकको शून्य दशमलव १७ प्रतिशत, होटलको १ दशमलव २७ प्रतिशत, विकास बैंकको १ दशमलव ७२ प्रतिशत, जलविद्युत्को १ दशमलव २१ प्रतिशत, वित्तको १ दशमलव ५५ प्रतिशत, अन्यको शून्य दशमलव ५७ प्रतिशत, जीवन बीमाको शून्य दशमलव २४ प्रतिशत र म्युचुअल फण्डको १ दशमलव ७९ प्रतिशत परिसूचक घटेको हो ।

बिहीबार सगरमाथा इन्स्योरेन्स र सूर्योदय लघुवित्तको शेयर मूल्य १० प्रतिशतले बढेको छ भने सपोर्ट माइक्रोफाइनान्सको ९ दशमलव ९८ प्रतिशत, आरम्भ चौतारी लघुवित्तको ९ दशमलव ९७ प्रतिशत, प्रभु लाइफ इन्स्योरेन्सको ९ दशमलव ९७ प्रतिशत, एभरेष्ट इन्स्योरेन्सको संस्थापक शेयरको मूल्य ९ दशमलव ७८ प्रतिशत र सारथि नेपाल लघुवित्त वित्तीय संस्थाको शेयर मूल्य ९ दशमलव ४७ प्रतिशत बढेको छ ।

बजारले उच्च बिन्दु कायम गरिरहँदा लगानीकर्ताहरूले पछिल्लो समय अल्पकालीन नाफा बुक गर्न थालेको देखिन्छ । यसले गर्दा बजारमा सामान्य करेक्सन दोहोरिरहेको छ । बजारलाई व्यवस्थित र सबै नेपालीको पहुँचमा पु¥याउने प्रयास भइरहँदा कारोबार रकमले भने ऐतिहासिक रेकर्ड कायम गरिरहेको छ ।

उच्च रकमको कारोबारले निरन्तरता पाइरहेको अवस्थामा बजारप्रति आम लगानीकर्ताको विश्वास बढ्दै गएको अनुमान लगाउन सकिन्छ । प्राथमिक बजारमा १५ लाखभन्दा बढी लगानीकर्ता सहभागी भइसकेको अवस्थामा ती लगानीकर्ताको सहभागिता पनि दोस्रो बजारमा अवश्य हुनेछ ।

तपाईंको प्रतिकृया

सम्बन्धित समाचार

एनपीएल सिजन–३ का उत्कृष्ट खेलाडी सम्मानित, रिजनदेखि दीपेन्द्रसम्मले जिते अवार्ड

आर्थिक सहकार्य र हवाई मार्ग विस्तारलाई प्राथमिकता दिँदै प्रधानमन्त्री शाह भारत भ्रमणमा

एनपिएल फाइनल आज, भिड्दैछन् लुम्बिनी र सुदूरपश्चिम

स्थानीय तहको निर्वाचनबारे दलहरूसँग छलफल गर्दै आयोग

एनपिएलमा आज दोस्रो क्वालिफायर, को पुग्ला फाइनलमा?

उपाधि यात्रामा टिक्न काठमाण्डु र चितवनबीच आज निर्णायक भिडन्त

काठमाडौंका सबै ठाउँ चौबीसै घन्टा खुला गर्न प्रशासनले थाल्यो तयारी

एनपीएल पहिलो क्वालिफायर आज : लुम्बिनी र सुदूरपश्चिमबीच फाइनल प्रवेशका लागि भिडन्त

बझाङमा अटो दुर्घटना : शिक्षकले गुमाए श्रीमतीसहित चार परिवारका सदस्य

९९ रनमा कुशलको विकेट लिएपछि के भने काठमाडौंका कप्तान करणले?

कार्तिक शुक्ल षष्ठी : जलाशयमा उभिएर अस्ताउँदो सूर्यलाई सन्ध्या अर्घ्य अर्पण गरिँदै

तिहार पर्व सुरु, आज धनतेरस

Most Read

‘मनिराम बा’ अब म्युजिक भिडियो निर्देशक (भिडियो सहित )

मोड्लिङमा भबिस्य खोज्दै सारा तामाङ

अब हाम्रो हैसियत अनुसार मन्त्रालय चाहिन्छ : प्रचण्ड

बिराज भट्टको कमव्याक जय पर्शुराम भोलि बाट नै चल्ने।

बारबाट थाहा पाउनु होस् तपाईको प्रेम सम्बन्ध को सँग राम्रो को सँग नराम्रो………….

बिष्णु माझी र रोशन गैरेको आवाजमा निकै मार्मिक लोक दोहोरी गीत सार्वजनिक (भिडियो सहित )

क्षेत्र बहादुर श्रेष्ठ अनिललाई राष्ट्रिय सभामा लैजाने प्रचण्डको प्रतिबद्धता

प्रचन्डको बुद्दी सात आठ बर्से बालिकाको जस्तै : ज्योतिसी पन्डित पुरुसोतम पौडेल (सुन्नुहोश )

स्थापना दिवस मनाउँदै नेपाल प्रहरी

हालसम्म आयोगले सोध्यो १५ स्पष्टीकरण

Tips Nepal Tv
  • rg
  • ap
  • prestige media

 

PMC TV NEPAL