Exclusive News Wednesday, 30 Dec, 2020
Prestige Media

प्रधानमन्त्री ओलीको प्रचण्डलाई वाण– जति धोए पनि मयल गएन

प्रधानमन्त्री केपी ओलीले पुष्पकमल दाहालको ध्यान सत्ता कब्जामै केन्द्रित रहेको दाबी गरेका छन् । काठमाडौंमा नेकपा ओली पक्षको सुदूरपश्चिम कार्यकर्ताको भेलालाई सम्बोधन गर्दै प्रधानमन्त्रीले मित्रताको अँगालोे हाल्न खोजे पनि प्रचण्ड धृतराष्ट्र बन्न खोजेको आरोप लगाए । ओलीले भने, ‘वामपन्थीसँग मिलेर चुनाव लड्ने तर सरकार दक्षिणपन्थीसँग बनाउन खोज्ने । प्रचण्डलाई लाज लाग्नुपर्ने हो ।’
षडयन्त्रकारी प्रवृत्ति छाड्न प्रचण्डलाई बारम्बार सम्झाए पनि टसमस नभएको ओलीको भनाइ छ । ‘राजनीति धोकाधडीबाट मात्र नभई इमानजमानपूर्वक गरेर जनताका सेवा गर्न सुझाएँ’, ओलीले भने, ‘तीन वर्षमा डल्लाका डल्ला साबुन खर्च भयो । ट्यांकीका ट्यांकी पानी खर्च भयो । साबुन लगायो पखाल्यो, जस्ताको तस्तै ।’
पार्टी एकता गर्दा माधव नेपाल र प्रचण्ड मिल्दा बहुमत पुग्छ भन्ने थाहा हुँदाहुँदै एकता गरेको उनले सुनाए । सरकारका कामकारबाहीमा जहिले भाँजो हालेर प्रचण्डले असहयोग गरेको ओलीले बताए ।
छोरीलाई भरतपुर उपमहानगरमा चुनाव जिताउन प्रचण्डले मतपत्र च्यातेर प्रजातन्त्र धुजा–धुजा पारेको दाबी प्रधानमन्त्री ओलीले गरे । ‘छोरी जिताउन नसकेपछि मत पत्र च्यातेर प्रजातन्त्र धुजा–जुधा बनाउनुभयो,’ उनले भने, ‘छोरी जिताउनकै लागि कांग्रेसँग मिले तर खासै उपलब्धि भएन ।’
कम्युनिस्टहरू बाँडिनुभन्दा एउटै हुनुपर्ने ठानेर एक भए पनि प्रचण्डले एकतामाथि धावा बोलेको प्रधानमन्त्री ओलीले आरोप लगाए । नेकपा चिरा पर्नुको कारण प्रचण्ड स्वयं रहेको ओलीको बोली थियो ।

प्रधानमन्त्री ओलीले नेकपालाई एकढिक्का राख्न त्याग गर्दा पनि प्रचण्ड–नेपाल समूहले जालझेल गरेर पार्टीलाई फुटसम्मको अवस्थामा ल्याएको आरोप लगाए ।
एकतालाई जोगाउन प्रचण्डसँग गरिएको पटक–पटकको सहमतिले ब्रिफकेस नै भरिए पनि काम नलागेको ओलीले बताए ।
माओवादीलाई नेकपा एमालेसँग मिलाएर एकता गर्न पूर्वमाओवादी पक्षलाई ४० प्रतिशत हिस्सा दिएको स्मरण गर्दै अहिले सोही प्रतिशतलाई बहुमतको खेलमा प्रयोग गरिएको उनले दाबी गरे ।
ओलीले भने, ‘पार्टी एकता गर्दा एमालेमा माधव नेपाल गुट थियो, त्यसमा प्रचण्ड गुट पनि थपिन्छ भन्ने मलाई थाहा थियो । तर, एकताका लागि मैले ४० प्रतिशत दिएँ । तर, उनीहरुले त्यो शक्ति बहुमतको खेलमा लगेर केन्द्रित गरे, जसले गर्दा पार्टी यो स्थितिमा पुग्यो ।’
प्रधानमन्त्री ओलीले संसद् पुनस्र्थापनाको सम्भावनै नरहेकाले प्रचण्ड–माधव समूहलाई चुनावको तयारीमा लाग्न सुझाए । ‘चुनावको तयारीमा लाग्नुस्, माइतीघरको चिसो भुइँमा बसेर रमिता नदेखाउनुस्,’ ओलीले भने ।

तपाईंको प्रतिकृया

सम्बन्धित समाचार

एनपीएल सिजन–३ का उत्कृष्ट खेलाडी सम्मानित, रिजनदेखि दीपेन्द्रसम्मले जिते अवार्ड

आर्थिक सहकार्य र हवाई मार्ग विस्तारलाई प्राथमिकता दिँदै प्रधानमन्त्री शाह भारत भ्रमणमा

एनपिएल फाइनल आज, भिड्दैछन् लुम्बिनी र सुदूरपश्चिम

स्थानीय तहको निर्वाचनबारे दलहरूसँग छलफल गर्दै आयोग

एनपिएलमा आज दोस्रो क्वालिफायर, को पुग्ला फाइनलमा?

उपाधि यात्रामा टिक्न काठमाण्डु र चितवनबीच आज निर्णायक भिडन्त

काठमाडौंका सबै ठाउँ चौबीसै घन्टा खुला गर्न प्रशासनले थाल्यो तयारी

एनपीएल पहिलो क्वालिफायर आज : लुम्बिनी र सुदूरपश्चिमबीच फाइनल प्रवेशका लागि भिडन्त

बझाङमा अटो दुर्घटना : शिक्षकले गुमाए श्रीमतीसहित चार परिवारका सदस्य

९९ रनमा कुशलको विकेट लिएपछि के भने काठमाडौंका कप्तान करणले?

कार्तिक शुक्ल षष्ठी : जलाशयमा उभिएर अस्ताउँदो सूर्यलाई सन्ध्या अर्घ्य अर्पण गरिँदै

तिहार पर्व सुरु, आज धनतेरस

Most Read

‘मनिराम बा’ अब म्युजिक भिडियो निर्देशक (भिडियो सहित )

मोड्लिङमा भबिस्य खोज्दै सारा तामाङ

अब हाम्रो हैसियत अनुसार मन्त्रालय चाहिन्छ : प्रचण्ड

बिराज भट्टको कमव्याक जय पर्शुराम भोलि बाट नै चल्ने।

बारबाट थाहा पाउनु होस् तपाईको प्रेम सम्बन्ध को सँग राम्रो को सँग नराम्रो………….

बिष्णु माझी र रोशन गैरेको आवाजमा निकै मार्मिक लोक दोहोरी गीत सार्वजनिक (भिडियो सहित )

क्षेत्र बहादुर श्रेष्ठ अनिललाई राष्ट्रिय सभामा लैजाने प्रचण्डको प्रतिबद्धता

प्रचन्डको बुद्दी सात आठ बर्से बालिकाको जस्तै : ज्योतिसी पन्डित पुरुसोतम पौडेल (सुन्नुहोश )

स्थापना दिवस मनाउँदै नेपाल प्रहरी

हालसम्म आयोगले सोध्यो १५ स्पष्टीकरण

Tips Nepal Tv
  • rg
  • ap
  • prestige media

 

PMC TV NEPAL