Breaking News Monday, 7 Dec, 2020
Prestige Media

युरोप छिर्दै नेपाली जहाज, इयूले गर्यो प्रशंसा

युरोपियन युनियन (इयू) ले नेपालको हवाई क्षेत्रलाई कालो सूचीबाट हटाउने संकेत गरेको छ । अन्तर्राष्ट्रिय नागरिक उड्डयन दिवस अवसरमा इयूले नेपालले पछिल्लो समय सुरक्षामा महत्वपूर्ण सुधार गरेको बताएको छ ।
इयूले विज्ञप्ति जारी गर्दै सुरक्षित हवाई उडानका लागि नेपाल सरकार र युनियनका सदस्य राष्ट्रहरूको संयुक्त प्रयासबाट सुधार भएको बताएको छ ।

इयूले नेपालको उड्डयन क्षेत्र सुरक्षित नरहेको भन्दै सन् २०१३ देखि कालो सूचीमा राखेको थियो । इयूको कालो सूचीपछि नेपाली एयरलाइन्सलाई युरोप उडानमा प्रतिबन्ध थियो ।
युरोप मात्र नभएर अन्य देशहरूमा पनि उडान अनुमति पाउन नेपाली एयरलाइन्सलाई सास्ती भइरहेको थियो ।
‘नेपाल सरकारले पछिल्लो समय जुन प्रयास गरेको छ, ती प्रशंसनीय छन् । हवाई सुरक्षाका चुनौतीसँग जुध्न जुन संयन्त्र विकास गर्न लागिएको छ, त्यो साँच्चिकै सकारात्मक कदम हो,’ इयूको विज्ञप्तिमा उल्लेख छ ।
नेपाल सरकारले हवाई नियमन तथा सेवाप्रदायकलाई छुट्याउन संसद्मा पेस गरेको विधेयकलाई इयूले सकारात्मक कदमका रूपमा लिएको छ । संसद्मा विचाराधीन उक्त विधेयक कार्यान्वयन हुने उसको विश्वास छ । यसरी भएका पछिल्ला सुधारबाट इयूको कालो सूचीबाट नेपाललाई हटाउने बाटो खुल्ने उसले बताएको छ ।
’यी सुधारबाट नेपाललाई हवाई सुरक्षा सूचीबाट हटाउन प्रशस्त मार्ग दिनेछ,’ विज्ञप्तिमा भनिएको छ ।
इयूले नेपालमा हवाई दुर्घटना बढेको, नियामक र सेवाप्रदायक एउटै हुँदा सुरक्षा स्थापनामा कठिनाइ भएको भन्दै कालो सूचीबाट हटाउन आनाकानी गर्दै आएको थियो ।
सरकारले नेपाल नागरिक उड्डयन प्राधिकरणलाई नियामक र सेवाप्रदायकमा विभाजन गर्न कानुन बनाउन संसद्मा विधेयक दर्ता गराएको छ । त्यस्तै, गत वर्ष एयरबसको सहायतामा प्राधिकरणले नेपालका सबै हेलिकप्टर कम्पनीको सुरक्षा अडिट गराएको थियो ।
इयूले नेपालमा रहेका साना जहाज तथा हेलिकप्टर दुर्घटनाप्रति पनि चासो देखाउँदै आएको थियो ।
कालो सूचीबाट हटाउन विभिन्न चरणका प्रक्रिया हुनेछन् । इयूका अनुसार पहिलो चरणमा ब्रसेल्समा प्राविधिक बैठक हुनेछ । नेपाल नागरिक उड्डयन प्राधिकरणले गरेका पछिल्ला सुधारबारे उक्त बैठकमा छलफल हुनेछ ।
त्यस्तै, दोस्रो चरणमा इयूको सुरक्षा विशेषज्ञ टोलीले नेपालको स्थलगत भ्रमण गर्नेछ । उक्त टोलीले पछिल्लो समय भएका सुधार कार्यान्वयनका पाटोबारे अवलोकन गर्नेछ । यसपछि इयूको सुरक्षा नियोगले कालो सूचीबाट हटाउन आप्mनो हवाई सुरक्षा कमिटीमा अनुमोदनका लागि प्रस्ताव पेस गर्नेछ ।
युरोपियन युनियनले प्रस्ताव अध्ययनपछि ठोस विषयवस्तुमाथि रहेर उड्डयन प्राधिकरणलाई सुरक्षा कार्यान्वयनका लागि प्राविधिक सहायता दिनेछ ।
अन्तर्राष्ट्रिय नागरिक उड्डयन संगठन (आइकाओ) ले सन् २०१३ मा नेपालको हवाई आकाश असुरक्षित भएको भन्दै गम्भीर सुरक्षा चासो राखेको थियो । त्यसलगत्तै युरोपियन कमिसनको स्थलगत अडिट भ्रमण भएको थियो । उक्त भ्रमणबाट आइकाओले देखाएका सुरक्षा चासो सम्बोधन नभएसम्म सुरक्षा सूचीमा राख्नुपर्ने सुझाव दिएको थियो ।
नेपालमा वायुयान दुर्घटना दर अधिक रहेको र नियमन पनि प्रभावकारी नभएको इयूको निष्कर्ष थियो ।
आइकाओले सन् २०१७ मै नेपाललाई कालो सूचीबाट हटाए पनि इयूले भने कायमै राखेको छ । आइकाओले हटाएपछि नेपालले इयूलाई पछिल्लो समय सुधार भएको भन्दै पत्राचार गरेको थियो ।

तपाईंको प्रतिकृया

सम्बन्धित समाचार

एनपीएल सिजन–३ का उत्कृष्ट खेलाडी सम्मानित, रिजनदेखि दीपेन्द्रसम्मले जिते अवार्ड

आर्थिक सहकार्य र हवाई मार्ग विस्तारलाई प्राथमिकता दिँदै प्रधानमन्त्री शाह भारत भ्रमणमा

एनपिएल फाइनल आज, भिड्दैछन् लुम्बिनी र सुदूरपश्चिम

स्थानीय तहको निर्वाचनबारे दलहरूसँग छलफल गर्दै आयोग

एनपिएलमा आज दोस्रो क्वालिफायर, को पुग्ला फाइनलमा?

उपाधि यात्रामा टिक्न काठमाण्डु र चितवनबीच आज निर्णायक भिडन्त

काठमाडौंका सबै ठाउँ चौबीसै घन्टा खुला गर्न प्रशासनले थाल्यो तयारी

एनपीएल पहिलो क्वालिफायर आज : लुम्बिनी र सुदूरपश्चिमबीच फाइनल प्रवेशका लागि भिडन्त

बझाङमा अटो दुर्घटना : शिक्षकले गुमाए श्रीमतीसहित चार परिवारका सदस्य

९९ रनमा कुशलको विकेट लिएपछि के भने काठमाडौंका कप्तान करणले?

कार्तिक शुक्ल षष्ठी : जलाशयमा उभिएर अस्ताउँदो सूर्यलाई सन्ध्या अर्घ्य अर्पण गरिँदै

तिहार पर्व सुरु, आज धनतेरस

Most Read

‘मनिराम बा’ अब म्युजिक भिडियो निर्देशक (भिडियो सहित )

मोड्लिङमा भबिस्य खोज्दै सारा तामाङ

अब हाम्रो हैसियत अनुसार मन्त्रालय चाहिन्छ : प्रचण्ड

बिराज भट्टको कमव्याक जय पर्शुराम भोलि बाट नै चल्ने।

बारबाट थाहा पाउनु होस् तपाईको प्रेम सम्बन्ध को सँग राम्रो को सँग नराम्रो………….

बिष्णु माझी र रोशन गैरेको आवाजमा निकै मार्मिक लोक दोहोरी गीत सार्वजनिक (भिडियो सहित )

क्षेत्र बहादुर श्रेष्ठ अनिललाई राष्ट्रिय सभामा लैजाने प्रचण्डको प्रतिबद्धता

प्रचन्डको बुद्दी सात आठ बर्से बालिकाको जस्तै : ज्योतिसी पन्डित पुरुसोतम पौडेल (सुन्नुहोश )

स्थापना दिवस मनाउँदै नेपाल प्रहरी

हालसम्म आयोगले सोध्यो १५ स्पष्टीकरण

Tips Nepal Tv
  • rg
  • ap
  • prestige media

 

PMC TV NEPAL