Breaking News Friday, 13 Nov, 2020
Prestige Media

प्रचण्डलाई ओलीको प्रेम–पत्र, दाहालमाथि गुटबन्दी सिर्जनाकर्ता भएको आरोप

गोकुल अर्याल
प्रधानमन्त्री एवं नेकपा अध्यक्ष केपी ओलीले पार्टीभित्र गुटबन्दीको सिर्जनाकर्ता अर्का अध्यक्ष पुष्पकमल दाहाल ‘प्रचण्ड’ नै भएको दाबा गरेका छन् ।
प्रचण्डसहित वरिष्ठ नेता झलनाथ खनाल, माधवकुमार नेपाल, उपाध्यक्ष वामदेव गौतम र प्रवक्ता नारायणकाजी श्रेष्ठले गत शनिबार बुझाएको पत्रको जवाफमा प्रधानमन्त्रीले यस्तो आरोप लगाएका हुन् ।
प्रचण्डलाई सम्बोधन गरिएको पत्रमा सचिवालयका अन्य सदस्यलाई बोधार्थ पठाइएको छ ।
प्रचण्डलाई सम्बोधन गरिएको पत्रमा गुटबन्दी तपाईंले नै गरेको हो भन्ने लामो व्यहोरा छ । ‘मैले पार्टी बैठक राख्दिनँ भनेर कहिले पनि भनेको छैन,’ प्रधानमन्त्रीले भनेका छन् ।
पत्रमा प्रचण्डलाई गुटबन्दी छाडेर पार्टी, देश र जनताको हितमा काम गर्न आउन आग्रह गरिएको छ । ओलीले लेखेको ८ पेज लामो पत्रमा प्रचण्डलाई पार्टीमा गुट चलाएको आरोप लगाइएको छ ।
पत्रमा प्रधानमन्त्रीको आक्रोश प्रचण्डमाथि नै धेरै देखिएको छ । दुई अध्यक्षबीचमा हुँदै नभएको कुरालाई बाहिर सार्वजनिक गरेकोसमेत प्रधानमन्त्री ओलीले आरोप लगाएका छन् ।
गत शनिबार सचिवालयको बैठकका लागि बहुमत सचिवालय सदस्यले लिखित ध्यानाकर्षण बुझाउन जाँदासमेत प्रधानमन्त्री ओली प्रचण्डसँग आक्रोशित बनेका थिए ।
प्रधानमन्त्री ओलीले त्यो दिन प्रचण्डलाई पटक–पटक जाली फटाहा भनेका थिए भने प्रधानमन्त्रीलाई पनि प्रचण्डले महाजाली र महाफटाहा भनेका थिए ।
मंगलबार प्रचण्डले कात्तिक २७ गतेका लागि सचिवालय बैठक बोलाउन सुझाव दिँदासमेत प्रधानमन्त्री ओली सकारात्मक भएका थिएनन् । प्रधानमन्त्रीलाई भेटेलगत्तै प्रचण्ड धुम्बाराही पुगेका थिए । धुम्बाराहीमा भएको बहुमत सचिवालय सदस्यको बैठकले समेत २७ कात्तिकको बैठक राख्न प्रधानमन्त्री ओलीलाई आग्रह गरेको थियो ।
प्रधानमन्त्रीले बैठक बोलाउन ढिलाइ गरेको भए बिहीबार ओलीइतर पक्षले अनौपचारिक बैठक गरेर सचिवालय बैठक तोक्ने तयारी गरेको थियो । त्यसपछि सचिवालय बैठक बोलाएर स्थायी कमिटी बैठक बोलाउने प्रचण्डसहितका बहुमत सचिवालय सदस्यको तयारी थियो । प्रधानमन्त्री ओलीले बिहीबार नै शुक्रबारका लागि सचिवालय बैठक बोलाएपछि भने ओलीइतर पक्ष अगाडि बढेको छैन ।

सचिवालय बैठक ‘बैठक’ बस्ने गरी सकियो
नेकपाका दोस्रा अध्यक्ष प्रचण्डसहितका नेताहरुको दबाबमा प्रधानमन्त्री निवास बालुटारमा बसेको सचिवालय बैठक एकअर्का नेताको नाडी छामेर आगामी बैठकको एजेण्डा तय गर्दै सकिएको छ ।
सचिवालय बैठकले ३ मंसिरमा पुनः बैठक बस्ने एजेन्डा तय गरेको छ । आगामी बैठकमा पार्टी स्थायी कमिटीको निर्णय कार्यान्वयन र आन्तरिक घम्साघम्सीमा देखिएको समस्यामा छलफल हुने एजेन्डा तय भएको नेकपाका एक नेताले बताए ।
सचिवालय बैठकमा गत शनिबार प्रचण्डसहित सचिवालयका ५ सदस्यहरूले प्रधानमन्त्रीलाई दिएको पत्र, त्यसपछि प्रधानमन्त्रीले प्रचण्डलाई दिएको पत्र र प्रचण्डले प्रधानमन्त्रीलाई लेखेको पत्रसमेत पेस भएको प्रवक्ता नारायणकाजी श्रेष्ठले बताए ।
सबै पत्र बन्द खाममा वितरण गरिएका थिए । यसअघि नेकपा कार्यकारी अध्यक्ष पुष्पकमल दाहाल प्रचण्डसहितका ५ सचिवालय सदस्यहरूले प्रधानमन्त्री ओलीलाई भेटेरै बैठक राख्न लिखित पत्र बुझाएका थिए ।
तर प्रधानमन्त्री ओलीले तत्कालै बैठक नराख्ने भन्दै विधानअनुसार जाने जवाफ दिएका थिए ।

तपाईंको प्रतिकृया

सम्बन्धित समाचार

एनपीएल सिजन–३ का उत्कृष्ट खेलाडी सम्मानित, रिजनदेखि दीपेन्द्रसम्मले जिते अवार्ड

आर्थिक सहकार्य र हवाई मार्ग विस्तारलाई प्राथमिकता दिँदै प्रधानमन्त्री शाह भारत भ्रमणमा

एनपिएल फाइनल आज, भिड्दैछन् लुम्बिनी र सुदूरपश्चिम

स्थानीय तहको निर्वाचनबारे दलहरूसँग छलफल गर्दै आयोग

एनपिएलमा आज दोस्रो क्वालिफायर, को पुग्ला फाइनलमा?

उपाधि यात्रामा टिक्न काठमाण्डु र चितवनबीच आज निर्णायक भिडन्त

काठमाडौंका सबै ठाउँ चौबीसै घन्टा खुला गर्न प्रशासनले थाल्यो तयारी

एनपीएल पहिलो क्वालिफायर आज : लुम्बिनी र सुदूरपश्चिमबीच फाइनल प्रवेशका लागि भिडन्त

बझाङमा अटो दुर्घटना : शिक्षकले गुमाए श्रीमतीसहित चार परिवारका सदस्य

९९ रनमा कुशलको विकेट लिएपछि के भने काठमाडौंका कप्तान करणले?

कार्तिक शुक्ल षष्ठी : जलाशयमा उभिएर अस्ताउँदो सूर्यलाई सन्ध्या अर्घ्य अर्पण गरिँदै

तिहार पर्व सुरु, आज धनतेरस

Most Read

‘मनिराम बा’ अब म्युजिक भिडियो निर्देशक (भिडियो सहित )

मोड्लिङमा भबिस्य खोज्दै सारा तामाङ

अब हाम्रो हैसियत अनुसार मन्त्रालय चाहिन्छ : प्रचण्ड

बिराज भट्टको कमव्याक जय पर्शुराम भोलि बाट नै चल्ने।

बारबाट थाहा पाउनु होस् तपाईको प्रेम सम्बन्ध को सँग राम्रो को सँग नराम्रो………….

बिष्णु माझी र रोशन गैरेको आवाजमा निकै मार्मिक लोक दोहोरी गीत सार्वजनिक (भिडियो सहित )

क्षेत्र बहादुर श्रेष्ठ अनिललाई राष्ट्रिय सभामा लैजाने प्रचण्डको प्रतिबद्धता

प्रचन्डको बुद्दी सात आठ बर्से बालिकाको जस्तै : ज्योतिसी पन्डित पुरुसोतम पौडेल (सुन्नुहोश )

स्थापना दिवस मनाउँदै नेपाल प्रहरी

हालसम्म आयोगले सोध्यो १५ स्पष्टीकरण

Tips Nepal Tv
  • rg
  • ap
  • prestige media

 

PMC TV NEPAL