हेर्नुहोस् ‘कबड्डी कबड्डी कबड्डी’को टिजर
चलचित्र ‘कबड्डी कबड्डी कबड्डी’को टिजर सार्वजनिक गरिएको छ । भदौ १३ गतेलाई प्रदर्शन मिति तय गर्दै चलचित्रको छायांकन सुरु भएको डेढ महिनामै यसको टिजर सार्वजनिक भएको छ ।चलचित्रको टिजरमा दयाहाङ राई, बिजय बराल र उपासना सिंह ठकुरीलाई मात्र देखाइएको छ ।
रामबाबु गुरुङको निर्देशनमा तयार भएको यो चलचित्रमा रामबाबु र उपेन्द्र सुब्बाको स्क्रिप्ट छ । रेनशा वान्तवा राइको कोरियोग्राफर, शैलेन्द्र डी कार्कीको छायांकन, सुरेन्द्र पौडेलको सम्पादन र रोहित शाक्यको सङ्गीत रहेको चलचित्रलाई मणिराम पोखरेल, अर्जुन कार्की र ओम चन्द रौनियारले संयुक्त रूपमा निर्माण गरेको हुन् । बाँसुरी फिल्मसको निर्माण र सिनेमा आर्टको प्रस्तुति अनि माउन्टेन स्टोरिज र नौमती इन्टरटेनमेन्टको ब्यानरमा बनेको चलचित्रमा दयाहाङ राई, उपासना सिंह ठकुरी, कर्मा, रीश्मा गुरुङ, विल्सन विक्रम राई, वुद्दि तामाङ, बिजय बराल लगायतका कलाकारको मुख्य भूमिका छ ।







