Breaking News
Monday, 13 Jul, 2026
गणेशकी श्रीमतीले काठमाडौँबाटै लिइन् नागरिकता
त्रिपुरेश्वरमा आत्मदाह प्रयास गरेर उपचारको क्रममा मृत्यु भएका गणेश नेपालीकी श्रीमतीले काठमाडौँबाट नागरिकता लिएकी छन् ।
आइतबार जिल्ला प्रशासन कार्यालय काठमाडौँबाट गणेशकी श्रीमती एकमाया नेपालीले नागरिकता लिएकी हुन् । गृहमन्त्री सुधन गुरुङले उनलाई नागरिकता हस्तान्तरण गरे ।
विशेष परिस्थितिका कारण मुगुबाट पत्र झिकाएर नागरिकता प्रदान गरिएको काठमाडौँका प्रमुख जिल्ला अधिकारी ईश्वरराज पौडेलले जानकारी दिए । सोरु गाउँपालिका–१ का वडा अध्यक्षबाट विवाह दर्ता प्रमाणित र अनुसूची सिफारिस लिएर नागरिकता प्रदान गरिएको प्रजिअ पौडेलले बताए ।
नेपालीका परिवार र सरकारको बिचमा ९ बुँदै सहमति भएको छ । त्रिपुरेश्वर घटनाबारे छानबिन गर्न सरकारले पूर्वन्यायाधीशको संयोजकत्वमा स्वतन्त्र छानबिन समिति गठन गर्नेछ । समितिले ७ दिनभित्र प्रतिवेदन बुझाउने सहमतिमा उल्लेख छ ।
