प्रमुख समाचार
Thursday, 4 Jul, 2024
म्यानपावर व्यवसायीसँग ‘फ्री भिसा फ्री टिकट’मा कामदार पठाएको विवरण माग
काठमाडौं– वैदेशिक रोजगार विभागले म्यानपावर व्यवसायीसँग फ्री भिसा, फ्री टिकटमा कामदार पठाएको विवरण मागेको छ। विभागमा दर्ता भई कामदार पठाउँदै आएका सबै व्यवसायीसँग चालू आर्थिक वर्षमा कामदार पठाएको विवरण मागिएको हो। विभागले कामदार पठाएको मुलुक, रोजगारदाता संस्था, श्रमिकको नाम, श्रमिकको सम्पर्क नम्बर ९नेपाल रहँदा०, काम, तलबलगायत विवरण उल्लेख गरेर उपलब्ध गराउनुपर्नेछ।
म्यानपावर व्यवसायीहरूले खाडीका ६ मुलुक र मलेसियामा फ्री भिसा, फ्री टिकटको कोटा ल्याएर कामदार पठाउँदै आएका छन्। २०७२ मा तत्कालीन श्रममन्त्री टेकबहादुर गुरुङले फ्री भिसा, फ्री टिकट व्यवस्था गरेका थिए। व्यवसायीले हाल उक्त नीति हटाएर एक महिना बराबरको सेवाशुल्क लिन पाउनुपर्ने माग राख्दै आएका छन्। त्यसका श्रम मन्त्रालय कानुन संशोधनको तयारीमा छ।
