प्रमुख समाचार
Thursday, 28 Mar, 2024
राष्ट्रिय सभा उपाध्यक्ष अर्यालको राजीनामा
काठमाडौं– सत्तारुढ नेकपा माओवादी केन्द्रबाट राष्ट्रिय सभामा उपाध्यक्ष रहेकी उर्मिला अर्यालले राजीनामा दिएकी छन्। अर्यालले आज राष्ट्रिय सभा अध्यक्ष नारायण दाहाललाई राजीनामा पत्र बुझाएकी हुन्। राष्ट्रिय सभा अध्यक्ष माओवादी केन्द्रलाई दिने सहमतिसँगै दाहाल केही समयअघि निर्वाचित भइसकेका छन्। सत्ता गठबन्धनमा राष्ट्रिय सभा अध्यक्ष माओवादी केन्द्रले लिने सहमति भएको थियो।
उर्मिलाले राष्ट्रिय सभाको उपाध्यक्ष पद छाडेपछि सत्ता गठबन्धनकै कुनै दलले पाउनेछ। यसअघि सत्ता गठबन्धन दल एमाले, माओवादी केन्द्र र एकीकृत समाजवादीबीच भएको लिखित सहमतिमा राष्ट्रिय सभा उपाध्यक्ष एमालेले लिने उल्लेख भए पनि सरकारमा नेकपा एस सहभागी हुँदाको लिखतमा केही बोलिएको छैन।
