प्रमुख समाचार
Monday, 11 Mar, 2024
कांग्रेसको ह्वीप–प्रधानमन्त्री प्रचण्डलाई विश्वासको मत नदिनू
काठमाडौं। प्रधानमन्त्री पुष्पकमल दाहाल प्रचण्डलाई विश्वासको मत नदिन प्रमुख प्रतिपक्षी कांग्रेसले आफ्ना सांसदहरूलाई निर्देशन दिएको छ।
सोमबार प्रमुख सचेतक रमेश लेखकले ह्वीप जारी गर्दै प्रधानमन्त्रीलाई विश्वासको मत नदिन निर्देश गरेका हुन्।
प्रधानमन्त्री प्रचण्डले भोलि बस्ने प्रतिनिधिसभा बैठकमा विश्वासको मत लिने तयारी छ।
फागुन ३० को संसद् बैठकमा बैठकमा अनिवार्य उपस्थित हुन पनि कांग्रेसले आफ्ना सांसदलाई आग्रह गरेको छ। प्रतिनिधिसभामा कांग्रेसका ८८ सांसद छन्।
प्रधानमन्त्री प्रचण्डले गत फागुन २१ मा कांग्रेससँग सहकार्य तोड्दै नयाँ समीकरण बनाएर मन्त्रिपरिषद पुनर्गठन गरेका थिए।
‘प्रधानमन्त्री दाहालले आफूमाथि प्रतिनिधिसभाको विश्वास छ भन्ने प्रस्तावको विपक्षमा मतदान गर्न यो निर्देशन जारी गरिएको छ,’ लेखकले विज्ञप्ति जारी गर्दै भनेका छन्।
