Exclusive News
Tuesday, 20 Feb, 2024
एमाले केन्द्रीय कमिटी बैठक बस्दै
काठमाडौं। समसामयिक राजनीतिक परिस्थितिबारे छलफल गर्न नेकपा (एमाले)को केन्द्रीय कमिटीको सातौं पूर्ण बैठक आजदेखि सुरु भएको छ ।
बैठक पार्टीको केन्द्रीय कार्यालय, ललितपुरको च्यासलमा बसिरहेको छ ।
बैठकमा पार्टी निर्माणमा देखिएका समस्या र समाधानका उपाय, जनपरिचालन र जनदबाबका कार्यसूची तथा समसामयिक प्रस्ताव रहेको प्रचार विभाग प्रमुख राजेन्द्र गौतमले बताए ।
बैठकमा पार्टी अध्यक्ष केपी शर्मा ओलीले मुलुकको समसामयिक राजनीतिक परिस्थितिबारे सम्बोधन गर्नेछन्। बैठकमा समग्र सांगठनिक कामको समीक्षा तथा पार्टीको शुद्धीकरण र सुदृढीकरण कार्यक्रमको अवधारणामा छलफल हुनेछ। बैठक फागुन १० सम्म सञ्चालन हुनेछ।
