राष्ट्रिय सभा निर्वाचनमा मतदान जारी, आजै मत परिणाम सार्वजनिक

काठमाडौं– राष्ट्रिय सभामा रिक्त १९ स्थानका लागि आज मतदान भइरहेको छ। सातै प्रदेशका विभिन्न मतादान केन्द्रमा बिहान ९ बजेदेखि मतदान सुरु भएको निर्वाचन आयोगले जनाएको हो। मतदान दिउँसो ३ बजेसम्म चल्नेछ।
राष्ट्रिय सभा निर्वाचनका लागि सात प्रदेशमा आठ वटा राजनीतिक दलका तर्फबाट ५१ जना उम्मेदवार मैदानमा छन्।
प्रदेशसभा सदस्य र नगरपालिकाका प्रमुख–उपप्रमुख, गाउँपालिका अध्यक्ष–उपाध्यक्ष राष्ट्रिय सभाका मतदाता हुन्।
निर्वाचनमा सात प्रदेशमा एक–एक मतदान स्थल र दुई–दुई मतदान केन्द्र तोकिएको छ।
निर्वाचनमा २ हजार ४७ मतदाता रहेको आयोगले बताएको छ। आयोगका अनुसार कोसी प्रदेशमा ३६७, मधेसमा ३७४, बागमतीमा ३४७ मतदाता रहेका छन्। यस्तै, गण्डकीमा २३०, लुम्बिनीमा ३०५, कर्णालीमा १९६, सुदूरपश्चिममा २२८ मतदाता रहेका छन्।
मतदान सकिएलगत्तै गणना सुरु गरी आजै परिणाम सार्वजनिक गरिने आयोगको भनाइ छ।
फागुन २० बाट रिक्त हुने २० पदमध्ये १९ पदमा आज निर्वाचन हुन लागेको हो। एउटा पद राष्ट्रपतिले मनोनीत गर्नेछन्।
बक्स