एमालेबाट पाँच प्रदेशमा राष्ट्रिय सभा उम्मेदवार सिफारिस
काठमाडौं- एमालेका पाँच प्रदेश कमिटीबाट राष्ट्रिय सभा सदस्य उम्मेदवार सिफारिस गरी केन्द्रमा पठाइएका छ।
सातमध्ये पाँच एमाले प्रदेश कमिटीले राष्ट्रिय सभा उम्मेदवार सिफारिस गरी केन्द्रमा पठाएका हुन्। मधेस र बागमती प्रदेशले उम्मेदवार सिफारिस टुंग्याउन बाँकी छ।
बागमती प्रदेश कमिटीले पनि आजै उम्मेदवार सिफारिस गर्ने सचिव नवराज सिलवालले जानकारी दिए।
तहगत कमिटीबाट सिफारिस भएर आएका नामहरूको टुंगो लगाउन एमालेले आजै केन्द्रीय सचिवालयको बैठक बोलाएको छ।
कोसी प्रदेश कमिटीले उमानाथ ओली, हरिचरण बानियाँ, परशुराम अधिकारी, कर्ण घलेलाई सिफारिस गरेको छ।
महिलातर्फ रजनी मेचे, मेचीमाया धिमाल र रुक्मिणी कोइरालालाई सिफारिस गरेको छ।
गण्डकी प्रदेश कमिटीले चक्रबहादुर पराजुली, मोहनलाल शर्मा, ममतादेवी शर्मा उपाध्यायलाई सिफारिस गरेको छ।
अपांगता÷अल्पसंख्यकतर्फ मेघराज आचार्य, हेमन्त शेरचन, मीना बराम सिफारिस भएका छन्।
महिलातर्फ सम्झना देवकोटा, कास्कीकी सगुन गुरूङ, स्याङ्जाका ईश्वरी सिग्देल अर्याल सिफारिस भएका छन्।
लुम्बिनी प्रदेशले राष्ट्रिय सभा सदस्य उम्मेदवारका लागि ६ जनाको नाम केन्द्रमा पठाएको छ।
सिफारिस गरिएकामा झपेन्द्र जिसी,सफर अलि मिया र शारदा शर्मा, कृष्णकुमारी गुरुङ, तुलसा केसी र एकमाया विश्वकर्मा छन्।
राष्ट्रिय सभा सदस्य निर्वाचनका लागि कर्णाली प्रदेशले १० जनाको नाम सिफारिस गरेको छ।
कृष्णबहादुर शाह, बलबहाुदुर महत, डिल्ली भट्ट सिफारिस भएका छन्।
हिक्मत विक, बलबहादुर नेपाली, पर्वत सुनार, रुकुम पश्चिमका शशिराम नेपाली सिफारिस भएका छन्।
महिलातर्फ बदमी क्वारा बोहरा, विमलाकुमारी शाही र सुभद्रा सिंह सिफारिस भएका छन्।
सुदूरपश्चिम प्रदेशमा महिलातर्फ सावित्री घिमिरे, कमला केसी र चित्रकुमारी चौधरी सिफारिस भएका छन्।
अल्पसंख्यकतर्फ हरिदत्त भट्ट, रामदत्त जोशी र अनिता ढुंगाना सिफारिस भएका छन्।
खुलातर्फ होरीलाल चौधरी, ईश्वरी खरेल, डिल्लीराज भट्ट र रंगमान शाही रहेका छन्।







