प्रमुख समाचार
Monday, 4 Sep, 2023
राष्ट्रपतिलाई भेट्न शीतलनिवास पुगे प्रधानमन्त्री प्रचण्ड
काठमाडौं– प्रधानमन्त्री पुष्पकमल दाहाल प्रचण्ड आज राष्ट्रपति रामचन्द्र पौडेललाई भेट्न शीतलनिवास पुगेका छन्।
आज बिहान भएको भेटमा प्रधानमन्त्री प्रचण्डले छिट्टै हुन लागेको आफ्नो अमेरिका र चीन भ्रमणबारे राष्ट्रपतिलाई जानकारी गराएका थिए।
भेटमा समसामयिक राजनीतिक विषयमा पनि छलफल भएको राष्ट्रपतिका प्रेस सल्लाहकार किरण पोखरेलले जानकारी दिए।
प्रधानमन्त्री प्रचण्ड ३० भदौमा संयुक्त राष्ट्रसंघको महासभामा भाग लिन अमेरिका जाने कार्यतालिका छ। त्यसपछि प्रधानमन्त्री प्रचण्ड अमेरिकाबाटै चीन भ्रमणका लागि बेइजिङ पुग्नेछन्।
