प्रमुख समाचार
Sunday, 3 Sep, 2023
रसुवागढी नाकाबाट एक केजी सुनसहित महिला पक्राउ
रसुवा–प्रहरीले रसुवागढी नाकाबाट अवैध एक केजी सुन ल्याउँदै गरेकी एक महिलालाई मितेरी पुलबाट पक्राउ गरेको छ। पक्राउ पर्नेमा गोसाइँकुण्ड गाउँपालिका–३ बृद्धिमकी ४१ वर्षीया पाछेमु तामाङ रहेको प्रहरीले बताएको हो।
जिल्ला प्रहरी प्रमुख सुवास बुढाथोकीले केरुङ हुँदै अवैध रूपमा एक केजी सुन लुकाइछिपाइ रसुवागढी नाकाबाट नेपाल भित्र्याउनै लाग्दा सीमा सुरक्षाकर्मीले पक्राउ गरेको जानकारी दिए।
सुन ल्याउने महिला पक्राउ पर्नासाथ बिरामी भएपछि उपचारार्थ रसुवा अस्पताल भर्ना गरिएको छ।यसबारे थप अनुसन्धान भइरहेको प्रहरीले जनाएको छ।
