प्रमुख समाचार
Monday, 28 Aug, 2023
नेपाली सेनाका गुल्मपति सम्पर्कविहीन
काठमाडौं– डोल्पा सदरमुकाम दुनैमा रहेको नेपाली सेनाको नन्द बक्स गुल्मका प्रमुख विमल पण्डित आइतबार रातीदेखि सम्पर्कविहीन भएका छन् ।
गुल्मपति पण्डित सम्पर्कविहीन भएपछि नेपाली सेना, नेपाल प्रहरीको टोली खोजीका लागि परिचालन गरिएको डोल्पाका प्रमुख जिल्ला अधिकारीले भूमिश्वर पोख्रेलले पुष्टि गरेका हुन्।
‘बडीगार्डलाई छाडेर एक्लै निस्किनुभएको र हिजोदेखि सम्पर्कमा नआएको खबरपछि खोजीमा टोली परिचालन गरेका छौं। डोल्पामा नेटवर्कको समस्या भएकाले खोजीमा जटिलता रहेको छ,’ प्रजिअ पोख्रेलले भने। आइतबार अपराह्न साढे ४ बजे इभिनिङ वाकका लागि उनी ब्यारेकबाट निस्किएको बुझिएको छ।
