सर्वोच्चका कामु प्रधानन्यायाधीश श्रेष्ठलाई संसदीय सुनुवाइ समितिमा बोलाइँदै
संवैधानिक परिषद्ले सर्वोच्च अदालतको प्रधानन्यायाधीशमा सिफारिस श्रेष्ठको सुनुवाइ प्रक्रियाका लागि संसदीय सुनुवाइ समितिमा नाम पठाएको हो ।
काठमाडौं– गत १९ साउनको संवैधानिक परिषद् बैठकबाट सर्वोच्च अदालतको प्रस्तावित प्रधानन्यायाधीश सिफारिस भएका विश्वम्भरप्रसाद श्रेष्ठको नाम संसदीय सुनुवाइका लागि पठाइएको छ ।संवैधानिक परिषद्ले सर्वोच्च अदालतको प्रधानन्यायाधीशमा सिफारिस श्रेष्ठको सुनुवाइ प्रक्रियाका लागि संसदीय सुनुवाइ समितिमा नाम पठाएको हो ।
परिषद्को पत्राचारअनुसार समितिले प्रारम्भिक बैठक मंगलबार बोलाएर सिफारिस गरिएका प्रधानन्यायाधीश श्रेष्ठविरुद्ध उजुरी आह्वान गर्नेछ ।
प्रस्तावित प्रधानन्यायाधीशको नाम सुनुवाइका लागि प्राप्त भएको प्रतिनिधिसभा प्रवक्ता एकराम गिरीले बताए ।श्रेष्ठविरुद्ध उजुरी आह्वान गरेपछि समितिले उजुरीकर्तासँग छलफल गर्नेछ भने आवश्यक ठाने उपसमितिसमेत गठन गरेर छलफल गर्न सक्ने कानुनी व्यवस्था छ ।
उजुरीकर्तासँगको छलफलपछि समितिले प्रस्तावित प्रधानन्यायाधीश श्रेष्ठलाई सुनुवाइका लागि निम्ताउनेछ ।सुनुवाइ समितिबाट सर्वसम्मत सिफारिए भए श्रेष्ठले राष्ट्रपति रामचन्द्र पौडेलले नियुक्त गर्नेछन् भने उनैले प्रधानन्यायाधीशका रुपमा सपथ खुवाउनेछन् ।
