प्रमुख समाचार
Tuesday, 18 Jul, 2023
गृहमन्त्रीको राजीनामा माग्दै मिटरब्याज पीडितले गरे प्रदर्शन
काठमाडौं । मिटरब्याज पीडितको एक समूहले उपप्रधानमन्त्री तथा गृहमन्त्ती नारायणकाजी श्रेष्ठको राजीनामा माग गरेको छ ।
मंगलबार मिटरब्याज तथा ठगीविरुद्ध किसान मजदुर संघर्ष समितिले सहभागीले गृहमन्त्रीको राजीनामा माग गर्दै काठमाडौंको शान्तिवाटिकादेखि बानेश्वरसम्म प्रदर्शन गरेको थियो ।
सरकारले मिटरब्याज पीडितको समस्या समाधान गर्ने भन्दै मुलुकी ऐन संशोधनसमेत गरिसकेको छ । तर संघर्ष समितिले उक्त कानुनले पनि मिटरब्याज पीडितको समस्या समाधान नहुने भन्दै प्रदर्शन गरेको हो ।
