Breaking News
Thursday, 20 Apr, 2023
गोविन्द भट्टराईलाई जिताएर पठाए मन्त्री बनाउने प्रधानमन्त्री प्रचण्डको आश्वासन
तनहुँ । प्रधानमन्त्री पुष्पकमल दाहाल प्रचण्डले तनहुँ क्षेत्र -१ का उम्मेदवार गोविन्द भट्टराईलाई जिताएर पठाए मन्त्री बनाउने आश्वासन दिएका छन् ।बुधबार तनहुँ १ मा पर्ने डुम्रेबजारमा आयोजित चुनावीसभामा बोल्दै प्रधानमन्त्री प्रचण्डले सो कुरा बताएका हुन्।
प्रचण्डले भने, ‘तपाईहरुले रामचन्द्रजी जस्तै गठबन्धनका साझा उम्मेदवार गोविन्द भट्टराई रूख चिह्नमा मतदान गरेर विजयी गराउनुस् । बाँकी काम शेरबहादुर देउवाजीले जिम्मा दिइसक्नुभयो । म शेरबहादुर देउवाजीसँगै छु । मन्त्री बनाउने जिम्मेवारी मेरो भएको घोषणा गर्दछु। किनकी प्रधानमन्त्री अहिले म भएको छु ।’
नेपालमा सुशासन, विकास र समृद्धिको यात्रा प्रारम्भ भइसकेको भन्दै त्यसलाई पूर्णता दिन आफूहरु प्रतिबद्ध रहेको प्रचण्डले बताए ।
