Breaking News
Monday, 10 Apr, 2023
मेयर बालेनलाई गृहमन्त्री श्रेष्ठको प्रश्न : सिंहदरबारको फोहोर उठाउँदिन भन्न मिल्छ कि मिल्दैन ?
चितवन । उपप्रधान तथा गृहमन्त्री नारायणकाजी श्रेष्ठले सिंहदरबारको फोहोर उठाउँदिनँ भनेर काठमाडौं महानगरपालिका प्रमुखले भन्न मिल्छ भन्ने प्रश्न गरेका छन्।सोमबार चितवनका सञ्चारकर्मीसँग कुरा गर्दै गृहमन्त्री श्रेष्ठले ‘सार्वजनिक रूपमै मेयर शाहले सिंहदरबारको फोहोर उठाउँदिन भनेर भन्दा समाजले के भन्छ ?’ भन्दै प्रश्न गरेका हुन् ।
‘महानगरको मेयरले सिंहदरबारको फोहोर उठाउँदिनँ भनेर भन्न मिल्छ कि मिल्दैन? तपाईंहरूलाई के लाग्छ?,’ उनले भने, ‘अझ सार्वजनिक र सामाजिक सञ्जालमा यसरी भन्न मिल्छ कि मिल्दैन?’
मेयर शाहले सिंहदरबारको फोहोर नउठाउने केही दिनअघि फेसबुकबाट घोषणा गरेका थिए। उनले संघीय सरकारले स्थानीय सरकारका कुरा नसुनेको र समन्वय नगरेको आरोपसमेत लगाएका छन्।
शनिवार मेयर बालेन शाहले सामाजिक सञ्जालमार्फत सिंहदरबारको फोहोर नउठाउने घोषणा गरेका थिए ।







