प्रमुख समाचार
Thursday, 19 Jan, 2023
डा.रुइतलाई प्रधानमन्त्री प्रचण्डले दिए बधाई
प्रधानमन्त्री पुष्पकमल दाहाल प्रचण्डले वरिष्ठ नेत्र चिकित्सक डा. सन्दुक रुइतले प्रतिष्ठित इसा अवार्ड प्राप्त गरेकोमा बधाई दिएका छन् ।
बिहीबार बिहान ट्वीटरकमार्फत प्रधानमन्त्री प्रचण्डले मानव कल्याणको क्षेत्रमा डा. रुइतको योगदान देशकै लागि प्रतिष्ठित र प्रशंसनीय रहेको उल्लेख गरेका छन् । राज्यसँग डा. रुइतले गरेका अपेक्षालाई सरकारले गम्भीरतापूर्वक लिने प्रधानमन्त्री प्रचण्डको भनाइ छ ।
बहराइनका राजा शेख हमद बिन इसा अल खालिफा ‘अनररी प्रेसिडेन्ट’ रहेको ‘इसा अवार्ड फर सर्भिस टु ह्युमानिटी’ संस्थाले पूर्वराजा शेख इसा बिन सलमान अल खालिफाका नाममा स्थापित अवार्डबाट यस वर्ष डा. रुइतलाई पुरस्कृत गर्ने घोषणा गरिएको हो । यो अवार्डअन्तर्गत डा.रुइतलाई आगामी फेब्रुअरीमा १० लाख डलर ( १३ करोड ८ लाख नेपाली रुपैयाँ), स्वर्ण पदक र प्रमाणपत्र प्रदान गरिनेछ ।







