Breaking News
Thursday, 20 Oct, 2022
नेता नेपाललाई कारबाही गर्न निर्वाचन आयोगको निर्देशन
नेता नेपालले मतदातालाई फ्री भिसा, फ्री टिकटमा वैदेशिक रोजगारीमा पठाउने प्रलोभन देखाएको आयोगको दाबी
काठमाडौं– निर्वाचन आयोगले नेकपा एकीकृत समाजवादीका अध्यक्ष माधवकुमार नेपाललाई निर्वाचन प्रभाव पार्ने कसूर गरेको दाबीसहित कारबाही प्रक्रिया अघि बढाउन रौतहट प्रहरीलाई निर्देशन दिएको छ । नेता नेपालले प्रत्यक्षतर्फ रौतहटको क्षेत्र–१ बाट उम्मेदवारी दिएका छन् ।
आयोगले निर्वाचन कसुर तथा सजाय ऐन, २०७३ को दफा ३९ अनुसार कारवाही प्रक्रिया अघि बढाउन जिल्ला प्रहरी कार्यालय रौतहटलाई निर्देशन दिएको हो ।
ऐनको दफा २० मा उम्मेदवारले मतदातालाई लोभलालच वा आर्थिक प्रलोभन देखाउन नहुने व्यवस्था छ । तर नेता नेपालले मतदातालाई फ्री भिसा, फ्री टिकटमा वैदेशिक रोजगारीमा पठाउने प्रलोभन देखाएको दाबीसहित आयोगले कारबाही प्रक्रिया अघि बढाउन प्रहरीलाई निर्देशन दिएको हो ।








