ओली हटाउन बनाएको गठबन्धन तोडिन्न :प्रधानमन्त्री देउवा
गठबन्धनको विरोध गर्नु कांग्रेस सिध्याउने षड्यन्त्र भएको देउवाको तर्क
काठमाडौं– प्रधानमन्त्री तथा कांग्रेस सभापति शेरबहादुर देउवाले गठबन्धनको विरोध गर्नु पार्टी हित विपरीत हुने बताएका छन् ।
शुक्रबार चितवन पुगेका देउवाले कांग्रेस चितवन जिल्ला समितिले आयोजना गरेको १०९औं बीपी जयन्तीको कार्यक्रममा यस्तो बताएका हुन् ।
देउवाले गठबन्धन पार्टी हितमा रहेको दाबी गरे। उनले भने, ‘गठबन्धनको खिलापमा ठूलो षड्यन्त्र भइरहेको छ । गठबन्धन कुनै हालतमा टुट्दैन । गठबन्धनको विरोध गर्नु भनेको पार्टी सिध्याउने षड्यन्त्र मात्र हो ।’
कांग्रेसलाई फाइदा हुने गरेर सिट बाँटफाँट गरिने दाबी उनको छ । प्रधानमन्त्री देउवाले पार्टीलाई एक बनाएर आउँदो चुनावमा होमिन कार्यकर्तालाई आग्रह गरे ।
केपी ओली सरकारबाट आत्तिएर कांग्रेस कार्यकर्ताले नै हटाउनुप¥यो भनेपछि गठबन्धन बनेको उनको दाबी छ ।‘एमसीसी पास भयो भने अमेरिकी सेना नेपाल आउँछ भन्थे । खोइ आएको?,’ देउवाले भने, ‘सरकार र गठबन्धनविरुद्ध षड्यन्त्र भइरहेको छ । कांग्रेस एकढिक्का हुनुपर्छ ।’ अरू कुरा जान्दिनँ ।
कार्यक्रममा गृहमन्त्री बालकृष्ण खाणले गठबन्धन गरेर निर्वानचनमा जाँदा कांग्रेसका केही साथीलाई मर्का पर्ने भए पनि स्वीकार्नुपर्ने बताए ।







