Breaking News
Friday, 26 Aug, 2022
राप्रपा नेपाल गाई चुनाव चिह्न माग्दै अदालत जाने
काठमाडौं– कमल थापा नेतृत्वको राप्रपा नेपाल निर्वाचन आयोगको स्वेच्छाचारिताविरुद्ध अदालत जाने भएको छ ।राप्रपा नेपालका अध्यक्ष कमल थापाले शुक्रबार सामाजिक सञ्जाल ट्वीटरमार्फत उक्त कुरा बताएका हुन् । आयोगले चुनाव चिह्न गाई नदिएपछि राप्रपा नेपाल अदालत जान लागेको हो।
‘कानुनअनुसार चुनाव चिह्न छान्ने अधिकार राजनीतिक दलको हो। राप्रपा नेपालले पटक–पटक ‘गाई’ चिह्न अद्यावधिक गर्न दिएको निवेदनको उपेक्षा गर्नु र सर्वोच्च अदालतको अन्तरिम आदेशको समेत अवज्ञा गर्नुमा निर्वाचन आयोगको बदनियत देखिन्छ। आयोगको स्वेच्छारिताविरुद्ध न्यायका निम्ति हामी अदालत जानेछौं,’ अध्यक्ष थापाले सामाजिक सञ्जाल ट्वीटरमा भनेका छन् ।







