Breaking News
Wednesday, 24 Aug, 2022
आउँदो चुनावमा प्रदेश संरचना खारेजीलाई नारा बनाउने कमल थापाको उद्घोष
विराटनगर– राष्ट्रिय प्रजातन्त्र पार्टी नेपालका अध्यक्ष कमल थापाले आगामी ४ मंसिरमा हुने प्रदेशसभा तथा संघीय चुनावमा प्रदेश संरचना खारेजी एजेन्डा मूल मुद्दा हुने बताएका छन् ।
मंगलबार सुनसरीको इटहरीमा पत्रकारसँग कुरा गर्दै थापाले प्रत्यक्ष निर्वाचनबाट प्रधानमन्त्री र प्रदेश खारेजी मुख्य एजेन्डा लिएर चुनावमा जाने सुनाए ।प्रदेश संरचना खारेजीको मुद्दामा सहमत हुने ठूला राजनीतिक दलसँग गठबन्धन बन्न सक्ने उनले बताए ।
प्रदेश संरचनाका कारण देशले आर्थिक भार धान्नै नसक्ने अवस्थामा पुगेको उनको दाबी छ ।
चुनावमा गठबन्धन गर्न अन्य राजनीतिक दलसँग छलफल चलिरहे पनि एमालेसँग सकारात्मक संवाद भइरहेको सुनाए ।पार्टीले देशभरबाट ५ देखि १० सिट माग्ने हुँदा त्यहीअनुसार चुनाव जित्ने रणनीतिमा लागेको उनको भनाइ छ।







