जुम्लामा चलचित्र ‘प्रकाश’को वर्ल्ड प्रिमियर

 जुम्लामा भदौ १० गते देशव्यापी प्रदर्शन हुने तयारीमा रहेको ‘प्रकाश’ को विश्व प्रिमियर गरिएको छ ।छायांकन थलोमै गरिएको प्रिमियरमा जुम्लाको तिर्खु गाउँको मोक्ष माध्यमिक विद्यालयको प्राङ्गणमा दर्शकको उल्लेख्य उपस्थिति रहेको छ ।

प्रिमियरमा स्थानीयवासी, बुद्धिजीवी, राजनीतिक नेता लगायतको बाक्लो उपस्थिति रहेको थियो ।प्रिमियरमा फिल्मका लेखक विकास सुवेदी सहितको टिम जुम्ला पुगेका थिए । फिल्म हेर्न स्थानीय राजनीतिक दलका प्रतिनिधि, शिक्षक, विद्यार्थी, विभिन्न पेशा व्यवसायमा आवद्ध व्यक्तिहरुका साथै सम्पूर्ण गाउँबासीलाई निम्ता दिइएको छ ।

जुम्लामै सुटिङ भएको प्रदीप खड्का, रेणु योगी र दीया मास्के स्टारर फिल्मले सामाजिक र आर्थिक विपन्नताको बाबजुद शिक्षक बन्न मुख्य पात्रले गर्ने संघर्षको कथा पेश गर्छ । 

राजेश श्रेष्ठको छायाँकन, जीवन थापाको सम्पादन, सुवास भुषाल, दिपक शर्मा, तारा प्रकाश लिम्बु र एलिस कार्कीको संगीत, महेन्द्र अधिकारी निर्माता रहेको फिल्ममा प्रदिप खड्का, दिया मास्के, रेनु योगी, प्रकाश घिमिरे, निरज पन्थी, गोविन्द सुनुवार, रामबाबु रेग्मी, लोकेन्द्र लेखक, दिपेन्द्र शाहीलगायतका कलाकारको अभिनय छ ।