प्रमुख समाचार
Friday, 19 Aug, 2022
माओवादी केन्द्रलाई पदाधिकारी टुंगो लगाउनै सकस
काठमाडौं– नेकपा माओवादी केन्द्रले पदाधिकारी टुंगो लगाउन शुक्रबार बोलाएको बैठक असफल भएको छ । पार्टी कार्यालय कोटेश्वरमा बसेको स्थायी कमिटी बैठकले पदाधिकारीसहित अन्य सांगठनिक संरचनालाई पूर्णता दिन नसकेको हो ।
पार्टी प्रवक्ता कृष्णबहादुर महराले पदाधिकारीको विषयमा गम्भीर छलफल भए पनि निष्कर्ष निस्कन नसकेको बताए । शनिबार दिउँसो १ बजे पुनः बैठक बसेर यसलाई टुंग्याइने उनको दाबी छ ।
शुक्रबारको बैठकमा बोल्ने अधिकांश स्थायी कमिटी सदस्यले पदाधिकारी टुंग्याएर चुनावमा जानुपर्ने बताएका थिए । स्थायी कमिटी सदस्य हरिबोल गजुरेलले पदाधिकारी टुंग्याएर चुनावमा जानुपर्ने विषयमा नेताहरु एकमत रहेको दाबी गरे ।







