Breaking News
Tuesday, 23 Feb, 2021
सर्वोच्च अदालतद्वारा संसद् विघटन बदर : १३ दिनभित्रै बैठक बोलाउन आदेश
सर्वोच्च अदालतले प्रधानमन्त्री केपी ओलीबाट भएको संसद् विघटनलाई बदर गरिदिएको छ । सर्वोच्च अदालतले संसद् पुनस्र्थापनासँगै १३ दिनभित्रै संसद बैठक बोलाउन आदेश दिएको छ ।
प्रधानन्यायाधीश चोलेन्द्रशमशेर जबरा, न्यायाधीशहरू विश्वम्भरप्रसाद श्रेष्ठ, अनिलकुमार सिह्ना, सपना प्रधान मल्ल र तेजबहादुर केसीको संवैधानिक इजलासले प्रधानमन्त्री ओलीले गरेको संसद् विघटन उल्टाइदिएको हो ।
प्रधानमन्त्री ओलीको सिफारिसमा राष्ट्रपति विद्यादेवी भण्डारीले गत ५ पुसमा संसद् विघटन गरी १७ र २७ वैशाखमा निर्वाचन घोषणा गरेकी थिइन् । त्यसविरुद्ध १३ वटा रिट सर्वोच्चमा दर्ता भएका थिए ।







