Breaking News Friday, 22 Jan, 2021
Prestige Media

देउवा रणनीति : प्रदेशमा मुख्यमन्त्री दिनेलाई कांग्रेसको समर्थन

नेपाली कांग्रेसका सभापति शेरबहादुर देउवाले प्रदेशमा नेकपा दुई समूहबीचको झगडामा तटस्थ रहने संकेत गरेका छन् ।
देउवाले नेकपाको प्रधानमन्त्री ओली समूह पुष्पकमल दाहाल–माधव नेपाल समूह जसले कांग्रेसलाई मुख्यमन्त्रीको अफर गर्छन्, उनैलाई समर्थन गर्नुपर्ने बताएका छन् ।
बागमती प्रदेशसभामा मुख्यमन्त्री डोरमणि पौडेलविरुद्ध शुक्रबार अविश्वास प्रस्ताव छलफलका लागि पेस भएसँगै कांग्रेस सभापतिको यस्तो भनाइ बाहिर आएको हो ।
सभापति देउवाले बूढानीलकण्ठ निवासमा वरिष्ठ नेता रामचन्द्र पौडेल र बागमती प्रदेशका केन्द्रीय सदस्यलाई बोलाएर छलफल गरेका छन् ।
देउवाले नेताहरूसँग झन्डै दुई घन्टा प्रदेशसभामा बनाउने रणनीतिबारे छलफल गरेका हुन् ।
छलफलमा सहभागी एक केन्द्रीय सदस्यले देउवाले पार्टीलाई पनि फाइदा हुने गरी प्रदेशसभाबारे निर्णय गर्न सुझाएका थिए ।
‘पार्टी हितलाई पनि केन्द्रमा राख्नुपर्छ । जसले मुख्यमन्त्री दिन्छ, उसैलाई सहयोग गर्न पनि सकिन्छ,’ देउवाको भनाइ उद्धृत गर्दै ती केन्द्रीय सदस्यले भने ।
देउवाको उक्त प्रस्तावमा वरिष्ठ नेता पौडेलसहित केन्द्रीय सदस्यहरू नवीन्द्रराज जोशीलगायतले भने फरक मत राखेका छन् ।
प्रधानमन्त्री केपी ओलीले ५ पुसमा प्रतिनिधिसभा विघटन गरेको र उक्त कदमविरुद्ध कांग्रेस आन्दोलनमा रहेकाले प्रदेशमा ओली निकटलाई सहयोग गर्न नहुने उनीहरूको तर्क छ ।
देउवाले समग्र रूपमा पार्टीलाई हित हुने गरी सोच्न नेताहरूलाई आग्रह गरेका थिए । केन्द्र र प्रदेशको राजनीति र परिस्थिति फरक भएको तर्क गरेका देउवाले जसले मुख्यमन्त्री दिन्छ, त्यही नेकपाको समूहलाई सहयोग गरेर जान सकिने धारणा राखेका थिए ।
वरिष्ठ नेता पौडेलले भने देउवाको यो रणनीतिमा असहमति जनाएका छन् । ओली कदमविरुद्ध देशैभर पार्टी आन्दोलनमा रहेकाले बागमतीमा मुख्यमन्त्री पौडेललाई सहयोग गर्न नहुने उनको भनाइ थियो ।
पौडेलको कुरा सुनेपछि देउवाले सम्बन्धित प्रदेशका संसदीय दलका नेतालाई नै निर्णय गर्न सक्ने अधिकार दिनुपर्ने बताएका थिए । प्रदेशमा पार्टी संरचना नरहेको र संसदीय दललाई मात्रै स्वविवेकीय अधिकार दिने वा नदिनेबारे नेताहरू निर्णयमा पुग्न नसकेको छलफलमा सहभागी अर्काले नेताले बताए ।
‘बागमती प्रदेशमा पार्टी कसरी अगाडि जाने भन्नेबारे छलफल भएको हो । संसदीय दलका नेता ईन्द्रबहादुर बानियाँलगायत पार्टीका नेताहरूसँग पनि परामर्शपछि फेरि बैठक बस्ने सहमति भएको छ,’ ती नेताले भने ।
बागमती प्रदेशमा ९ पुसमा नेकपा प्रचण्ड–नेपाल समूहले संसदीय दलको नेताबाट मुख्यमन्त्री पौडेललाई हटाएर दलको नेतामा अष्टलक्ष्मी शाक्यलाई चयन गर्दै भावी मुख्यमन्त्रीका रूपमा प्रस्तुत गरेको थियो ।
प्रदेश नम्बर १ मा पनि मुख्यमन्त्री शेरधन राईविरुद्ध नेकपाको प्रचण्ड–नेपाल समूहले अविश्वास प्रस्ताव राखेको छ । यी दुवै प्रदेशमा नेकपाका दुवै समूहलाई बहुमतमा पुग्न कांग्रेस निर्णायक छ ।
बागमती प्रदेशमा पौडेलविरुद्धको प्रस्तावमा १९ माघदेखि छलफल हुनेछ ।
बागमती प्रदेश सभाका १ सय १० सदस्यमध्ये प्रचण्ड–नेपाल समूहका ४५ जना सदस्यले मुख्यमन्त्री पौडेलविरुद्ध हस्ताक्षर गरेका छन् । कांग्रेसका २२ सांसद छन् । ओली समूहमा ३५ जना सांसद छन् । दुवै समूहलाई बहुमत पु¥याउन कांग्रेसको साथ आवश्यक छ ।
नेकपाका दुवै समूहले आफूलाई सहयोग गरे दुईमध्ये एउटामा कांग्रेसलाई नै मुख्यमन्त्री दिने अफर गरिरहेका छन् ।
पार्टीका पूर्वमहामन्त्री कृष्णप्रसाद सिटौलाले पनि मुख्यमन्त्रीविरुद्ध पार्टीका सांसदले तीन वर्षदेखि नीति तथा कार्यक्रमदेखि नै असहमति राखेकाले अहिले आएर उनै मुख्यमन्त्रीलाई समर्थन गर्न नसकिने बताएका छन् ।

तपाईंको प्रतिकृया

सम्बन्धित समाचार

एनपीएल सिजन–३ का उत्कृष्ट खेलाडी सम्मानित, रिजनदेखि दीपेन्द्रसम्मले जिते अवार्ड

आर्थिक सहकार्य र हवाई मार्ग विस्तारलाई प्राथमिकता दिँदै प्रधानमन्त्री शाह भारत भ्रमणमा

एनपिएल फाइनल आज, भिड्दैछन् लुम्बिनी र सुदूरपश्चिम

स्थानीय तहको निर्वाचनबारे दलहरूसँग छलफल गर्दै आयोग

एनपिएलमा आज दोस्रो क्वालिफायर, को पुग्ला फाइनलमा?

उपाधि यात्रामा टिक्न काठमाण्डु र चितवनबीच आज निर्णायक भिडन्त

काठमाडौंका सबै ठाउँ चौबीसै घन्टा खुला गर्न प्रशासनले थाल्यो तयारी

एनपीएल पहिलो क्वालिफायर आज : लुम्बिनी र सुदूरपश्चिमबीच फाइनल प्रवेशका लागि भिडन्त

बझाङमा अटो दुर्घटना : शिक्षकले गुमाए श्रीमतीसहित चार परिवारका सदस्य

९९ रनमा कुशलको विकेट लिएपछि के भने काठमाडौंका कप्तान करणले?

कार्तिक शुक्ल षष्ठी : जलाशयमा उभिएर अस्ताउँदो सूर्यलाई सन्ध्या अर्घ्य अर्पण गरिँदै

तिहार पर्व सुरु, आज धनतेरस

Most Read

‘मनिराम बा’ अब म्युजिक भिडियो निर्देशक (भिडियो सहित )

मोड्लिङमा भबिस्य खोज्दै सारा तामाङ

अब हाम्रो हैसियत अनुसार मन्त्रालय चाहिन्छ : प्रचण्ड

बिराज भट्टको कमव्याक जय पर्शुराम भोलि बाट नै चल्ने।

बारबाट थाहा पाउनु होस् तपाईको प्रेम सम्बन्ध को सँग राम्रो को सँग नराम्रो………….

बिष्णु माझी र रोशन गैरेको आवाजमा निकै मार्मिक लोक दोहोरी गीत सार्वजनिक (भिडियो सहित )

क्षेत्र बहादुर श्रेष्ठ अनिललाई राष्ट्रिय सभामा लैजाने प्रचण्डको प्रतिबद्धता

प्रचन्डको बुद्दी सात आठ बर्से बालिकाको जस्तै : ज्योतिसी पन्डित पुरुसोतम पौडेल (सुन्नुहोश )

स्थापना दिवस मनाउँदै नेपाल प्रहरी

हालसम्म आयोगले सोध्यो १५ स्पष्टीकरण

Tips Nepal Tv
  • rg
  • ap
  • prestige media

 

PMC TV NEPAL