Breaking News
Monday, 7 Dec, 2020
प्रधानमन्त्रीले बोलाए सर्वदलीय बैठक
प्रधानमन्त्री केपी ओलीले समसामयिक राजनीतिक विषयमा छलफल गर्न सर्वदलीय बैठक डाकेका छन् । प्रधानमन्त्रीका प्रेस सल्लाहकार सूर्य थापाले मंगलबार बिहान ११ बजेका लागि बैठक डाकिएको जानकारी दिए ।
’सम्माननीय प्रधानमन्त्री केपी ओलीले समसामयिक राष्ट्रिय राजनीतिका विषयमा संसद्मा प्रतिनिधित्व गर्ने राजनीतिक दलहरूको बैठक आयोजना गर्नुभएको छ । बिहान ११ः०० बजे प्रधानमन्त्री निवास बालुवाटारमा बैठक हुने तय भएको छ,’ थापाले लेखेका छन् ।
पछिल्लो समय देशका विभिन्न ठाउँमा राजा फिर्ता माग्दै हिन्दु राष्ट्रका पक्षमा प्रदर्शन भइरहेका छन् । राजसंस्था पुनस्र्थापनाको मागमा युवा पंक्तिको हिस्सा बढ्दै गएपछि सबै राजनीतिक दललाई एक ठाउँ ल्याउन ओलीले यस्तो बैठक डाकेको बताइन्छ । सँगै नेकपाको आन्तरिक विवाद पनि चुलिएका बेला प्रधानमन्त्री ओलीले सर्वदलीय बैठक डाकेका हुन् ।







