Breaking News
Thursday, 15 Oct, 2020
नवनियुक्त मन्त्रीहरूले लिए सपथ
प्रधानमन्त्री केपी ओलीको सिफारिसमा नियुक्त भएका मन्त्रीहरूले बिहीबार राष्ट्रपति कार्यालय शीतलनिवासमा सपथ लिएका छन् ।
अर्थमन्त्री विष्णु पौडेल, महिला बालबालिका तथा ज्येष्ठ नागरिकमन्त्री लीलानाथ श्रेष्ठ र सहरी विकासमन्त्री कृष्णगोपाल श्रेष्ठले राष्ट्रपति भवन शीतलनिवासमा सपथ लिएका हुन् ।
प्रधानमन्त्री ओलीले मन्त्रिमण्डल पुनर्गठन गर्दै उपप्रधान तथा रक्षा मन्त्रालयको जिम्मेवारीमा रहेका ईश्वर पोखरेललाई प्रधानमन्त्री तथा मन्त्रिपरिषद्को कार्यालयको जिम्मा दिएका छन् ।
यस्तै, महिला बालबालिका तथा ज्येष्ठ नागरिक मन्त्रालयको जिम्मेवारी सम्हालिरहेका पार्वत गुरुङले सञ्चार, सूचना तथा प्रविधि मन्त्रालयको जिम्मेवारी पाएका छन् ।







