Breaking News Wednesday, 30 Sep, 2020
Prestige Media

इजरायलमा कामदार पठाउन श्रम सम्झौता

सरकारले इजरायलमा नेपाली कामदार पठाउन द्विपक्षीय श्रम सम्झौता गरेको छ ।
‘गभर्मेन्ट टु गभर्मेन्ट (जिटुजी) प्रक्रियामार्फत कामदार पठाउनका लागि नेपाली राजदूत डा. अञ्जान शाक्य र इजरायलका विदेशमन्त्री गाबी आस्खेनाजीबीच बुधबार हस्ताक्षर भएको हो ।
यसअघि २०१५ मा सरकारले श्रम सम्झौता गरे पनि कार्यान्वयनमा आउन सकेको थिएन ।
तत्कालीन समयमा भएको सम्झौताअनुसार नेपालका निजी कम्पनीहरुले इजरायलमा रोजगारीका लागि कामदार आपूर्ति गर्दै आएकामा अब नयाँ सम्झौताअनुसार सरकार आफैंले जिटुजीमार्फत कामदार पठाउन लागेको हो ।
सरकारले हाल दक्षिण कोरियामा जिटुजी माध्यमबाट कामदार पठाउँदै आएको छ । सोही मोडल इजरायलमा पनि पठाउन सम्झौता गरिएको छ ।
इजरायलसँग भएको श्रम सम्झौताअनुसार रोजगारीका लागि उक्त देश जान चाहने नेपालीले भिसा शुल्क, मेडिकल परीक्षण, कल्याणकारी कोषमा जम्मा गर्नुपर्ने रकम, ओरियन्टेसन शुल्क आफैं बुझाएर जानुपर्नेछ ।
यो सम्झौता सरकारी नीति विपरीत रहेको देखिन्छ । सरकारले ०७२ जेठमा ‘फ्री भिसा, फ्री टिकट’ को नीति अंगीकार गर्ने निर्णय गरेको थियो । यो नीति नमान्ने म्यानपावर कम्पनीलाई सरकारले कारबाही गर्दैसमेत आएको छ ।
इजरायसँग भएको नयाँ सम्झौताअनुसार विशेषगरी ४ वर्षको करार हुनेछ । कामदारले घर, बिरामी बिदा सबै सुविधा पाउनेछन् भने बीचमा छाडेर स्वदेश फर्कनसमेत पाउनेछन् ।
चार वर्षे अवधि पूरा गरेर १ वर्ष थप काम गर्न सक्ने श्रम सम्झौतामा उल्लेख छ । तत्काल ५ सय कामदार छनोट गरेर पठाइने र त्यसका लागि आन्तरिक कार्यविधि निर्माण थालिने सरकारी अधिकारीहरुको भनाइ छ ।
‘इजरायलसँग श्रम सम्झौता भएसँगै तत्काल कामदार पठाउन सरकारले आन्तरिक कार्यविधि बनाउनेछ, यसको तयारी हामी थालिसकेका छौं,’ वैदेशिक रोजगार विभागका महानिर्देशक कुमार दाहालले बताए ।
यसअघि बिटुजी सम्झौतापछि थोरै नेपाली रोजगारीका लागि गएका थिए । सम्झौतामा ३ महिनाको केयर गिभर तालिम लिएका तथा नर्सहरुलाई लैजान सकिने उल्लेख थियो । तर, उक्त सम्झौता लामो समय टिकेन ।
वैदेशिक रोजगार विभागको तथ्यांकमा अहिले करिब ५ हजार हाराहारी नेपालीहरु इजरायलमा रोजगारीका लागि गएको देखिन्छ । विभागका महानिर्देशक दाहालका अनुसार बिशेषगरी ती नेपालीहरु अहिले घरेलु कामदारका रुपमा काम गर्दै आएका छन् ।
सरकारले पठाउन लागेका नेपालीहरु विशेषगरी हस्पिटल क्षेत्रमा हो । ‘सरकारले अहिले पठाउन लागेका कामदार घरहरुमा काम गर्न जाने होइनन्, ठूलो हस्पिटल सेन्टरमा हो, त्यहाँ खाना–बस्नको सबै प्रबन्ध छ,’ महानिर्देशक दाहालले भने ।
केही दिनअघि बसेको मन्त्रिपरिषद् बैठकले इजरायलसँग श्रम सम्झौता गर्न डा. अन्जान शाक्यलाई अनुमति दिएको थियो । सोही अधिकारलाई प्रयोग गरेर निर्धारित परराष्ट्रमन्त्री एवं सरकारका प्रवक्ता प्रदीप ज्ञवालीले केही दिनअघि पत्रकार सम्मेलनमा श्रम सम्झौतापछि इजरायलका नागरिकसरह नेपाली श्रमिकले सेवा सुविधा प्राप्त गर्ने बताएका थिए ।
वैदेशिक रोजगार विज्ञ ड. गणेश गुरुङ श्रम सम्झौता हुनु सकारात्मक भए पनि कार्यान्वयन पक्षमा नेपाली पक्ष चुक्ने गरेको बताउँछन् ।
‘सम्झौताअनुसार अहिलेसम्म काम भएको देखिन्न, इजरायलसँग भएको सम्झौता पूर्ण कार्यान्वयन गर्न दुवै पक्ष दृढतापूर्वक लाग्नुपर्छ,’ उनले भने ।

तपाईंको प्रतिकृया

सम्बन्धित समाचार

एनपीएल सिजन–३ का उत्कृष्ट खेलाडी सम्मानित, रिजनदेखि दीपेन्द्रसम्मले जिते अवार्ड

आर्थिक सहकार्य र हवाई मार्ग विस्तारलाई प्राथमिकता दिँदै प्रधानमन्त्री शाह भारत भ्रमणमा

एनपिएल फाइनल आज, भिड्दैछन् लुम्बिनी र सुदूरपश्चिम

स्थानीय तहको निर्वाचनबारे दलहरूसँग छलफल गर्दै आयोग

एनपिएलमा आज दोस्रो क्वालिफायर, को पुग्ला फाइनलमा?

उपाधि यात्रामा टिक्न काठमाण्डु र चितवनबीच आज निर्णायक भिडन्त

काठमाडौंका सबै ठाउँ चौबीसै घन्टा खुला गर्न प्रशासनले थाल्यो तयारी

एनपीएल पहिलो क्वालिफायर आज : लुम्बिनी र सुदूरपश्चिमबीच फाइनल प्रवेशका लागि भिडन्त

बझाङमा अटो दुर्घटना : शिक्षकले गुमाए श्रीमतीसहित चार परिवारका सदस्य

९९ रनमा कुशलको विकेट लिएपछि के भने काठमाडौंका कप्तान करणले?

कार्तिक शुक्ल षष्ठी : जलाशयमा उभिएर अस्ताउँदो सूर्यलाई सन्ध्या अर्घ्य अर्पण गरिँदै

तिहार पर्व सुरु, आज धनतेरस

Most Read

‘मनिराम बा’ अब म्युजिक भिडियो निर्देशक (भिडियो सहित )

मोड्लिङमा भबिस्य खोज्दै सारा तामाङ

अब हाम्रो हैसियत अनुसार मन्त्रालय चाहिन्छ : प्रचण्ड

बिराज भट्टको कमव्याक जय पर्शुराम भोलि बाट नै चल्ने।

बारबाट थाहा पाउनु होस् तपाईको प्रेम सम्बन्ध को सँग राम्रो को सँग नराम्रो………….

बिष्णु माझी र रोशन गैरेको आवाजमा निकै मार्मिक लोक दोहोरी गीत सार्वजनिक (भिडियो सहित )

क्षेत्र बहादुर श्रेष्ठ अनिललाई राष्ट्रिय सभामा लैजाने प्रचण्डको प्रतिबद्धता

प्रचन्डको बुद्दी सात आठ बर्से बालिकाको जस्तै : ज्योतिसी पन्डित पुरुसोतम पौडेल (सुन्नुहोश )

स्थापना दिवस मनाउँदै नेपाल प्रहरी

हालसम्म आयोगले सोध्यो १५ स्पष्टीकरण

Tips Nepal Tv
  • rg
  • ap
  • prestige media

 

PMC TV NEPAL