Exclusive News Sunday, 27 Sep, 2020
Prestige Media

खोसियो हिमालय एयरलाइन्सको ग्राउन्ड ह्यान्डलिङ सेवा

संस्कृति, पर्यटन तथा नागरिक उडड्यनमन्त्री योगेश भट्टराईले हिमालय एयरलाइन्सलाई ग्राउन्ड ह्यान्डलिङ दिने निर्णय तत्काल कार्यान्वयन नगर्न नियामक निकाय नेपाल नागरिक उड्डयन प्राधिकरणलाई निर्देशन दिएका छन् ।
मन्त्रीको निर्देशनपछि हिमालय एयरलाइन्सलाई ग्राउन्ड ह्यान्डलिङ सेवा दिने गरी गत साता भएको निर्णय तत्काल कार्यान्वयनमा नजाने भएको हो ।
प्राधिकरणले अघिल्लो साता मात्र हिमालय एयरलाइन्सलाई ग्राउन्ड ह्यान्डलिङको सेवा सञ्चालन गर्न दिने निर्णय गरेको थियो । ग्राउन्ड ह्यान्डलिङ सेवाको अनुमति दिइँदा सरकारी स्वामित्वको नेपाल वायु सेवा निगमको व्यापार खोसिएको भन्दै आलोचना भएपछि मन्त्रीले यसबारे चासो राखेका थिए ।
पर्यटनमन्त्री भट्टराईले आइतबार प्राधिकरणका महानिर्देशक राजन पोखरेलसँग यस विषयमा छलफल गरी हिमालय एयरलाइन्सलाई ग्राउन्ड ह्यान्डलिङको अनुमति दिएकोबारे जानकारी लिँदै अहिलेलाई यथास्थितिमा राख्न निर्देशन दिएको मन्त्रालय स्रोतले बतायो ।
यद्यपि यसबारे मन्त्रालय र प्राधिकरणको आधिकारिक धारणा भने बाहिर आएको छैन । मन्त्रालयका सचिव केदारबहादुर अधिकारी र प्राधिकरणका महानिर्देशकबीचको छलफलमा मन्त्री भट्टराईले मापदण्डलगायतका विषयमा चासो राखेका थिए ।
अहिले नेपाल वायुसेवा निगमबाहेक एयर इन्डिया र थाई एयरवेजले आवश्यक मापदण्ड पूरा नगरी ग्राउन्ड ह्यान्डलिङ सेवा उपयोग गर्दै आएका छन् ।
यीमध्ये निगमले व्यावसायिक सेवा प्रदान गरेको छ भने अरु दुईले ‘सेल्फ सर्भिस’ उपयोग गरेका छन् । प्राधिकरणका उपमहानिर्देशक तथा प्रवक्ता राजकुमार क्षेत्री यस विषयमा आफूलाई आधिकारिक जानकारी नभएको प्रतिक्रिया दिन्छन् ।
हिमालय एयरलाइन्सलाई कार्यविधिअनुरुप नै ग्राउन्ड ह्यान्डलिङ अनुमति दिने निर्णय भएको र मापदण्ड पूरा गर्ने अरुलाई पनि प्राधिकरणले अनुमति दिनुपर्ने उनले बताए ।
‘यस विषयमा मन्त्रालबाट कुनै परिपत्र आएको जानकारीमा छैन । छलफल भएको हुन सक्छ तर विधि र प्रक्रियाअनुसार नै हिमालयलाई उक्त सुविधा दिइएको हो । थप प्रक्रिया पूरा गरेपछि मात्र सेवा सुरु गर्न सक्छ’, उनले भने ।
प्राधिकरणको ग्राउन्ड ह्यान्डलिङ निर्देशिका, ०७२ को परिच्छेद २ को दफा ४ मा ग्राउन्ड ह्यान्डलिङका लागि त्रिभुवन विमानस्थलमा सातामा ३५ उडान गर्ने एयरलाइन्सलाई अनुमति दिन सक्ने प्रावधान छ ।
हिमालय एयरलाइन्सको सातामा ४५ उडान अनुमति स्वीकृत भएको प्राधिकरणले जनाएको छ । ग्राउन्ड ह्यान्डलिङ निर्देशिकाबमोजिम हिमालयले सेल्फ ग्राउन्ड ह्यान्डलिङ सुविधाका लागि गत चैत ७ मा निवेदन दिएको थियो । प्राधिकरणको भदौ २८ को निर्णयअनुसार उक्त एयरलाइन्सलाई अनुमति प्रदान गरिएको थियो ।
मन्त्रीले सेवा स्थगन गराउन दिएको निर्देशनका विषयमा कुनै जानकारी नआएको हिमालय एअरलाइन्सका उपाध्यक्ष विजय श्रेष्ठले बताए ।
‘हामीले २००८ मा फ्लाई यती नामबाट अन्तर्राष्ट्रिय उडान गर्दा पनि यो सेवा लिएका थियौं । अहिले फेरि त्यो प्रक्रिया पूरा गरेकाले निर्देशिकाबमोजिम सेवा लिन लागेका हौं,’ उनले भने ।

तपाईंको प्रतिकृया

सम्बन्धित समाचार

एनपीएल सिजन–३ का उत्कृष्ट खेलाडी सम्मानित, रिजनदेखि दीपेन्द्रसम्मले जिते अवार्ड

आर्थिक सहकार्य र हवाई मार्ग विस्तारलाई प्राथमिकता दिँदै प्रधानमन्त्री शाह भारत भ्रमणमा

एनपिएल फाइनल आज, भिड्दैछन् लुम्बिनी र सुदूरपश्चिम

स्थानीय तहको निर्वाचनबारे दलहरूसँग छलफल गर्दै आयोग

एनपिएलमा आज दोस्रो क्वालिफायर, को पुग्ला फाइनलमा?

उपाधि यात्रामा टिक्न काठमाण्डु र चितवनबीच आज निर्णायक भिडन्त

काठमाडौंका सबै ठाउँ चौबीसै घन्टा खुला गर्न प्रशासनले थाल्यो तयारी

एनपीएल पहिलो क्वालिफायर आज : लुम्बिनी र सुदूरपश्चिमबीच फाइनल प्रवेशका लागि भिडन्त

बझाङमा अटो दुर्घटना : शिक्षकले गुमाए श्रीमतीसहित चार परिवारका सदस्य

९९ रनमा कुशलको विकेट लिएपछि के भने काठमाडौंका कप्तान करणले?

कार्तिक शुक्ल षष्ठी : जलाशयमा उभिएर अस्ताउँदो सूर्यलाई सन्ध्या अर्घ्य अर्पण गरिँदै

तिहार पर्व सुरु, आज धनतेरस

Most Read

‘मनिराम बा’ अब म्युजिक भिडियो निर्देशक (भिडियो सहित )

मोड्लिङमा भबिस्य खोज्दै सारा तामाङ

अब हाम्रो हैसियत अनुसार मन्त्रालय चाहिन्छ : प्रचण्ड

बिराज भट्टको कमव्याक जय पर्शुराम भोलि बाट नै चल्ने।

बारबाट थाहा पाउनु होस् तपाईको प्रेम सम्बन्ध को सँग राम्रो को सँग नराम्रो………….

बिष्णु माझी र रोशन गैरेको आवाजमा निकै मार्मिक लोक दोहोरी गीत सार्वजनिक (भिडियो सहित )

क्षेत्र बहादुर श्रेष्ठ अनिललाई राष्ट्रिय सभामा लैजाने प्रचण्डको प्रतिबद्धता

प्रचन्डको बुद्दी सात आठ बर्से बालिकाको जस्तै : ज्योतिसी पन्डित पुरुसोतम पौडेल (सुन्नुहोश )

स्थापना दिवस मनाउँदै नेपाल प्रहरी

हालसम्म आयोगले सोध्यो १५ स्पष्टीकरण

Tips Nepal Tv
  • rg
  • ap
  • prestige media

 

PMC TV NEPAL