लामो दूरीका यातायात र आन्तरिक हवाई उडान खुल्ने
सरकारले अन्तरजिल्ला यातायात र आन्तरिक हवाई उडान असोज ५ देखि खुलाउने निर्णय गरेको छ । मन्त्रिपरिषद्को सोमबारको बैठकले कोभिड–१९ संकट व्यवस्थापन केन्द्र (सीसीएमसी) को प्रस्तावअनुसार अन्तरजिल्ला यातायात र आन्तरिक हवाई उडान सुरु गर्ने निर्णय गरेको हो । सीसीएमसीको बैठक सोमबार नै बसेको थियो ।
अन्तरजिल्ला यातायात र अन्तरिक हवाई उडान चैत १० बाटै रोकिएको छ । ५ साउनमा मन्त्रिपरिषदले लकडाउन अन्त्य गर्दा भदौ १ बाट अन्तरजिल्ला यातायात र हवाई उडान खुला गर्ने भनिएको थियो ।
तर, संक्रमण बढेसँगै सरकारले अन्तरजिल्ला यातायात र अन्तरिक हवाई उडान भदौ मसान्तसम्म नचलाउने निर्णय ग¥यो भने अन्तराष्ट्रिय उडान ससर्त सुरु ग¥यो ।
पछिल्लो समय भने यातायात व्यवसायी र वायुसेवाप्रदायक कम्पनीहरुले सरकारलाई दबाब दिएका थिए । यातायात व्यवसायी र मजदुर संगठनहरूले सरकारले निर्णय नगरे असोज १ बाट आफैं सवारी चलाउने चेतावनी दिएका थिए ।







