Exclusive News Friday, 11 Sep, 2020
Prestige Media

प्रधानमन्त्री ओलीबाट खोसियो कार्यकारी अध्यक्षको अधिकार

गोकुल अर्याल

नेपाल कम्युनिस्ट पार्टी (नेकपा) स्थायी समिति बैठकले अध्यक्ष केपी ओलीले सरकार चलाउने र प्रचण्डलाई पार्टी चलाउने कार्यकारी अध्यक्षको भूमिका दिने निर्णय गरेको छ । योसँगै प्रधानमन्त्री र पार्टी दुवैको कार्यकारी अधिकारमा रहेका ओलीलाई पार्टी सञ्चालनमा भूमिकाविहीन बनाइएको छ ।
प्रधानमन्त्री निवास बालुवाटारमा शुक्रबार बसेको बैठकले ओलीले प्रयोग गर्दै आएको कार्यकारी अध्यक्षको जिम्मा दाहाललाई सुम्पिने सहमति गरेको छ ।
बैठकले सरकारको काम–कारबाहीमा पार्टीले हस्तक्षेप नगर्ने र पार्टीसँग समन्वय गरेर मात्रै निर्णयमा पुग्ने निर्णय पनि सहमतिमै टुंगाएको छ ।
बैठकपछि पार्टी प्रवक्ता नारायणकाजी श्रेष्ठले अध्यक्षको कार्य विभाजन टुंगो लगाइएको भन्दै प्रधानमन्त्रीसमेत रहेका ओली सरकारका काम–कारबाहीमा केन्द्रित रहने निर्णय भएको जानकारी दिए ।
यस्तै, अध्यक्ष प्रचण्डले कार्यकारी अधिकारसहित पार्टी कामको नेतृत्व गर्ने निर्णय भएको उनले बताए ।
श्रेष्ठका अनुसार सरकारका काम–कारबाहीमा पार्टीले कुनै हस्तक्षेप गर्ने छैन । तर, पार्टीका मार्ग निर्देशनलाई लागू गरेर सरकारले निर्णय लिनुपर्नेछ ।
बैठकमा स्थायी समिति सदस्यहरु रघु पन्त, लीलामणि पोख्रेल, भीम आचार्य, माधव नेपाल, अष्टलक्ष्मी शाक्य, युवराज ज्ञवाली, देव गुरुङ, घनश्याम भुसाल, मातृका यादव, भीम रावल, अमृत बोहरा, झलनाथ खनाल र नारायणकाजीले धारणा राखेका थिए ।
ती सदस्यको धारणापछि प्रचण्डले प्राप्त सुझावका आधारमा आप्mना भनाइ राखेका थिए । श्रेष्ठका अनुसार छलफलका क्रममा उठेका सुझावलाई समेत प्रचण्ड र ओलीले अघि सारेको १५ बुँदे प्रस्तावमा समावेश गर्ने निर्णय भएको छ ।
पारित प्रस्तावमा राष्ट्रियताको विषयमा एकढिक्का भएर अघि बढ्ने, पार्टीलाई गतिशील बनाउने, विधि र पद्धतिअनुसार अघि बढ्ने, पार्टीका निर्णयलाई कार्यान्वयनमा लैजानेजस्ता विषय छन् ।

आउँदो चैतमा महाधिवेशन

बैठकले आगामी चैत अन्तिम साता पार्टीको महाधिवेशन गर्ने निर्णय गरेको छ । बैठकले आगामी चैत २५ देखि ३० गतेसम्म पार्टीको महाधिवेशन गर्ने निर्णय गरेको हो ।
महाधिवेशन तयारीलाई अगाडि बढाउन आगामी कात्तिक १५ देखि १७ सम्म केन्द्रीय कार्यसमिति बैठक बोलाइएको पार्टी प्रवक्ता श्रेष्ठले बताए ।
यस्तै, बैठकले नेपाल–भारत सीमा समस्या समाधानका लागि सरकारले गरेका प्रयासलाई सकारात्मक रुपमा लिँदै अतिक्रमणमा परेको भूमिमा नेपालको भोगचलन र भारतीय सेना फिर्ताका लागि वार्ताबाट आवश्यक पहल गर्न सुझाव दिएको छ ।
बैठकले कोरोना नियन्त्रण, रोकथाम र उपचारका लागि सरकारले गरेका काम सकारात्मक रहेको निष्कर्ष निकालेको छ । अझै प्रभावकारी नियन्त्रण र उत्पन्न परिस्थितिको सम्बोधनका लागि राष्ट्रिय एकताका साथ अगाडि बढ्न सरकारलाई बैठकले सुझाव दिएको उनले बताए ।

तपाईंको प्रतिकृया

सम्बन्धित समाचार

एनपीएल सिजन–३ का उत्कृष्ट खेलाडी सम्मानित, रिजनदेखि दीपेन्द्रसम्मले जिते अवार्ड

आर्थिक सहकार्य र हवाई मार्ग विस्तारलाई प्राथमिकता दिँदै प्रधानमन्त्री शाह भारत भ्रमणमा

एनपिएल फाइनल आज, भिड्दैछन् लुम्बिनी र सुदूरपश्चिम

स्थानीय तहको निर्वाचनबारे दलहरूसँग छलफल गर्दै आयोग

एनपिएलमा आज दोस्रो क्वालिफायर, को पुग्ला फाइनलमा?

उपाधि यात्रामा टिक्न काठमाण्डु र चितवनबीच आज निर्णायक भिडन्त

काठमाडौंका सबै ठाउँ चौबीसै घन्टा खुला गर्न प्रशासनले थाल्यो तयारी

एनपीएल पहिलो क्वालिफायर आज : लुम्बिनी र सुदूरपश्चिमबीच फाइनल प्रवेशका लागि भिडन्त

बझाङमा अटो दुर्घटना : शिक्षकले गुमाए श्रीमतीसहित चार परिवारका सदस्य

९९ रनमा कुशलको विकेट लिएपछि के भने काठमाडौंका कप्तान करणले?

कार्तिक शुक्ल षष्ठी : जलाशयमा उभिएर अस्ताउँदो सूर्यलाई सन्ध्या अर्घ्य अर्पण गरिँदै

तिहार पर्व सुरु, आज धनतेरस

Most Read

‘मनिराम बा’ अब म्युजिक भिडियो निर्देशक (भिडियो सहित )

मोड्लिङमा भबिस्य खोज्दै सारा तामाङ

अब हाम्रो हैसियत अनुसार मन्त्रालय चाहिन्छ : प्रचण्ड

बिराज भट्टको कमव्याक जय पर्शुराम भोलि बाट नै चल्ने।

बारबाट थाहा पाउनु होस् तपाईको प्रेम सम्बन्ध को सँग राम्रो को सँग नराम्रो………….

बिष्णु माझी र रोशन गैरेको आवाजमा निकै मार्मिक लोक दोहोरी गीत सार्वजनिक (भिडियो सहित )

क्षेत्र बहादुर श्रेष्ठ अनिललाई राष्ट्रिय सभामा लैजाने प्रचण्डको प्रतिबद्धता

प्रचन्डको बुद्दी सात आठ बर्से बालिकाको जस्तै : ज्योतिसी पन्डित पुरुसोतम पौडेल (सुन्नुहोश )

स्थापना दिवस मनाउँदै नेपाल प्रहरी

हालसम्म आयोगले सोध्यो १५ स्पष्टीकरण

Tips Nepal Tv
  • rg
  • ap
  • prestige media

 

PMC TV NEPAL