शिल्पा र पृथ्वीको मायामा बियर परेछ ! (भिडियो)
असार २९ गतेबाट प्रदर्शनमा आउन लागेको चलचित्र ‘विराङ्गना’को नयाँ गीत सार्वजनिक भएको छ । सार्वजनिक भएको ‘तिम्रो हाम्रो मायामा’ बोलको गीतमा दिपक शर्माको संगीत, रघु परियारको शब्द, कृष्ण काफ्ले र रेश्मा पुनको स्वर छ ।सुरेन्द्र बसेलको कोरियोग्राफी रहेको यो गीतको भिडियोमा चलचित्रका मुख्य कलाकार शिल्पा पोखरेल र पृथ्वीराज प्रसाइलाई फिचरिङ गरिएको छ ।
राज बहादुर सानेको निर्देशनमा बनेको चलचित्रमा बाबुराम दास, श्याम बहादुर थापा, रघु परियार, देव तामाङ र विमला भट्ट निर्माता तथा सह-निर्माता सुमि चाम्लिङ राई रहेका छन् ।चलचित्रमा हरिबोल लामाको छायांकन र तारा थापाको सम्पादन रहेको छ ।र्फोथ आई मुभिजको ब्यानरमा निर्माण भएको ‘वीराङ्गना’ मा शिल्पा र अनुपको अलावा पृथ्वीराज प्रसाई, धिरेन शाक्य, प्रज्वल गिरी, प्रिया रिजाल, ध्रुव कोईराला, सुशिल पोखरेललगायतको अभिनय रहेको छ ।







