Breaking News Sunday, 19 Feb, 2017
Prestige Media

विकास निर्माणको बजेट फ्रिज हुन दिन्नौँ – रक्षामन्त्री खाँण

काठमाडौँ, ८ फागुन । संसदीय समितिले विकास निर्माणका काममा नेपाली सेनालाई दिइने जिम्मेवारी प्रभावकारी रुपमा समयसीमाभित्र सक्न उच्च मनोबलकासाथ काम गर्न निर्देशन दिएको छ ।

व्यवस्थापिका–संसद् विकास समितिको बैठकमा भौतिक पूर्वाधार तथा रक्षामन्त्रालयका तर्फबाट नेपाली सेनाले सडकलगायत पूर्वाधार निर्माणमा गरिरहेको प्रगतिको समीक्षापछि समितिले उक्त निर्देशन दिएको हो ।

पूर्वाधार एवम् संरचना निर्माणमा नेपाली सेनाप्रति आमजनताको बढ्दो आशा एवम् अपेक्षाअनुरुप विकास निर्माण निर्देशनालयको सङ्गठन विस्तार र सुदृढीकरण गरी आवश्यक प्राविधिक जनशक्ति, उपकरण, तालिमलगायतका क्षेत्रमा क्षमता अभिवृद्धिमा ध्यान दिन समितिले सरकारलाई पनि निर्देश गरेको छ ।

नेपाली सेनाले निश्चित समयभित्र कति काम गर्ने हो स्पष्ट किटान गर्न तथा सोका लागि आवश्यक बजेट समयमै उपलब्ध गराउन र यस आर्थिक वर्षमा नेपाली सेनाले निर्माण गर्ने भनिएका सडकखण्डका लागि आवश्यक बजेट १५ दिनभित्र उपलब्ध गराउनका लागि अख्तियारी दिन र पूर्वाधार निर्माणका क्रममा आवश्यक पर्ने विस्फोटक पदार्थको आयातमा देखिएको समस्या समाधानका लागि कूटनीतिक पहल गरी यथाशीघ्र समाधान गर्न समितिले सरकारको ध्यानाकर्षण गराएको छ ।
यसअघि बैठकमा रक्षामन्त्री बालकृष्ण खाँणले विकास निर्माणका लागि सेनालाई दिएको रकम फ्रिज हुन नदिने प्रतिबद्धता व्यक्त गर्नुभएको थियो ।

उहाँले भन्नुभयो – “सडकलगायत पूर्वाधार निर्माणका लागि समयमा निकासा भएका कुनै पनि शीर्षकको रकम फ्रिज हुन नदिने ढङ्गबाट कार्यतालिका बनाएर काम गरिने छ । काम गर्ने कौशल छ, जिम्मेवारी पूरा गर्ने सेनामा दृढता छ ।”

नेपाली सेनाले हालसम्म एक हजार २९ किलोमिटर सडक निर्माण गरी नेपाल सरकारलाई हस्तान्तरण गरिसकेको छ ।

हाल सेनाले मुलुकका विभिन्न क्षेत्रमा ५२० किमी सडक बनाउँदै गरेको संसदीय समितिलाई जानकारी गराएको छ ।

सेनाद्वारा निर्माणाधीन सडकमा कर्णाली करिडोर १९६ किमी, जाजरकोट–डोल्पा ११७ किमी, कालीगण्डकी कोरिडोर ६७ किमी, मैलुङ–स्याप्रुवेशी १८ किमी र बेनीघाट–आरुघाट–लार्केभन्जाङ १२० छन् । मुलुकमा सबै किसिमका गरी अहिले ५२ हजार किमी सडक सञ्जाल रहेको छ ।

नेपाली सेनाले निर्माण गरिरहेको कर्णाली कोरिडोरले त्यस क्षेत्रका विकट हुम्ला र डोल्पा जिल्लासमेत सडक सञ्जालमा छुन पुगेको छ ।

बैठकमा सांसदहरुले नेपाली सेनालाई आवश्यक प्रविधि, प्राविधिक जनशक्ति र बजेट उपलब्ध गराउन सकिएमा अहिलेको तुलनामा तीन गुना बढी नतिजा दिन सक्ने भएकाले हिमाल, पहाड र तराईमा एक–एकवटा नमुना परियोजना निर्माणको जिम्मेवारी दिनुपर्ने सुझाव दिएका थिए ।

सांसद रामकुमार भट्टराईले भन्नुभयो – “अरु क्षेत्रबाट हुँदै आएको पूर्वाधार निर्माणको काम सुस्त छ, सेना प्रविधि र प्राविधिक हिसाबले सक्षम हुन आवश्यक छ, सडकको ट्र्याक खोल्नेमात्र होइन, अब पुल बनाउने काम पनि सेनाले नै गरोस् ।”

पूर्वाधार निर्माणको शिलान्यासमात्र होइन, उद्घाटन हुने अवस्था देखिनुपर्नेमा जोड दिँदै सांसद रञ्जना सरकारले भन्नुभयो –“मुलुकभर ९०० वटा पुलको ठेक्का भएको छ, निर्माणको क्षमता हामीसँग ३०० को पनि छैन, हिमाल, पहाड र तराईमा नमुना परियोजना बनाउने जिम्मेवारी सेनालाई दिनुपर्छ ।”

सांसदद्वय मोहन बानिया र वैजनाथ चौधरीले सडक निर्माणमा सेनामा लक्ष्यअनुसारको प्रगति निकै राम्रो देखिएको हुनाले काम गर्नेलाई प्रोत्साहन गर्न सङ्गठनको क्षमता बढाएर निकुञ्जभित्रको सडक निर्माणको जिम्मेवारी पनि थप गर्नुपर्ने सुझाव दिनुभयो ।

सांसद कर्ण विकले सेनाले कठिन अवस्थामा थोरै समय र लागतमा कठिन काम गर्दै आएकाले सेनाको क्षमता अभिवृद्धि गर्न सरकारले विशेष ध्यान पु¥याउन आवश्यक रहेको बताउनुभयो ।

रक्षामन्त्रालयका सचिव श्रीधर सापकोटाले देशको स्वाधीनता, अखण्डता, राष्ट्रियताको प्रमुख जिम्मेवारीमा रहेको नेपाली सेनालाई विकास निर्माण र विपद् व्यवस्थापनका लागि संविधानले दिएको जिम्मेवारी पूरा गराउन थप स्रोत साधन उपलब्ध गराउन आवश्यक रहेको बताउनुभयो ।

नेपाली सेनाको विकास निर्माण निर्देशनालयका सहायक रथी उद्धव विष्टले सडक निर्माणका लागि बजेट समयमै विनियोजन हुन सके दिएको जिम्मेवारी समयसीमाभित्रै पूरा गर्न युद्धस्तरमा काम गर्न तयार रहेको प्रतिबद्धता जनाउनुभयो । रासस

तपाईंको प्रतिकृया

सम्बन्धित समाचार

एनपीएल सिजन–३ का उत्कृष्ट खेलाडी सम्मानित, रिजनदेखि दीपेन्द्रसम्मले जिते अवार्ड

आर्थिक सहकार्य र हवाई मार्ग विस्तारलाई प्राथमिकता दिँदै प्रधानमन्त्री शाह भारत भ्रमणमा

एनपिएल फाइनल आज, भिड्दैछन् लुम्बिनी र सुदूरपश्चिम

स्थानीय तहको निर्वाचनबारे दलहरूसँग छलफल गर्दै आयोग

एनपिएलमा आज दोस्रो क्वालिफायर, को पुग्ला फाइनलमा?

उपाधि यात्रामा टिक्न काठमाण्डु र चितवनबीच आज निर्णायक भिडन्त

काठमाडौंका सबै ठाउँ चौबीसै घन्टा खुला गर्न प्रशासनले थाल्यो तयारी

एनपीएल पहिलो क्वालिफायर आज : लुम्बिनी र सुदूरपश्चिमबीच फाइनल प्रवेशका लागि भिडन्त

बझाङमा अटो दुर्घटना : शिक्षकले गुमाए श्रीमतीसहित चार परिवारका सदस्य

९९ रनमा कुशलको विकेट लिएपछि के भने काठमाडौंका कप्तान करणले?

कार्तिक शुक्ल षष्ठी : जलाशयमा उभिएर अस्ताउँदो सूर्यलाई सन्ध्या अर्घ्य अर्पण गरिँदै

तिहार पर्व सुरु, आज धनतेरस

Most Read

‘मनिराम बा’ अब म्युजिक भिडियो निर्देशक (भिडियो सहित )

मोड्लिङमा भबिस्य खोज्दै सारा तामाङ

अब हाम्रो हैसियत अनुसार मन्त्रालय चाहिन्छ : प्रचण्ड

बिराज भट्टको कमव्याक जय पर्शुराम भोलि बाट नै चल्ने।

बारबाट थाहा पाउनु होस् तपाईको प्रेम सम्बन्ध को सँग राम्रो को सँग नराम्रो………….

बिष्णु माझी र रोशन गैरेको आवाजमा निकै मार्मिक लोक दोहोरी गीत सार्वजनिक (भिडियो सहित )

क्षेत्र बहादुर श्रेष्ठ अनिललाई राष्ट्रिय सभामा लैजाने प्रचण्डको प्रतिबद्धता

प्रचन्डको बुद्दी सात आठ बर्से बालिकाको जस्तै : ज्योतिसी पन्डित पुरुसोतम पौडेल (सुन्नुहोश )

स्थापना दिवस मनाउँदै नेपाल प्रहरी

हालसम्म आयोगले सोध्यो १५ स्पष्टीकरण

Tips Nepal Tv
  • rg
  • ap
  • prestige media

 

PMC TV NEPAL